Gujarati News

Gujarati News

News of Thursday, 15th February 2018

અમેરિકામાં સુગરલેન્‍ડ ટેકસાસના સીટી કાઉન્‍સીલર તરીકે ઉમેદવારી નોંધાવતા શ્રી હિમેશ ગાંધીઃ છેલ્લી ૩ ટર્મથી ચૂંટાઇ આવતા શ્રી ગાંધી આખરી ટર્મમાં પણ કોમ્‍યુનીટી સેવાઓ માટે આતુર

ટેકસાસઃ અમેરિકાના સુગરલેન્‍ડ ટેકસાસમાં છેલ્લી ૩ ટર્મથી કાઉન્‍સીલર તરીકે ચૂંટાઇ આવતા ઇન્‍ડિયન અમેરિકન શ્રી હિમેશ ગાંધીએ ચોથી તથા આખરી ટર્મમાં પણ ફરીથી ચૂંટાઇ આવવા માટે ઉમેદવારી નોંધાવી છે. તેમણે કોમ્‍યુનીટીના જીવન ધોરણમાં સુધારો લાવવાની નેમ ચાલુ રાખવાની ઇચ્‍છા વ્‍યક્‍ત કરી છે

તેઓ ૨૦૧૨ની સાલમાં સૌપ્રથમવાર સૌથી નાની ઉંમરના કાઉન્‍સીલર તરીકે ચૂંટાઇ આવ્‍યા હતા. જયારે તેમની ઉંમર ૩૫ વર્ષની હતી. તેમણે ટાસ્‍ક ફોર્સ મેમ્‍બર તરીકે પણ સેવાઓ આપેલી છે. ઉપરાંત તેમની કાઉન્‍સીલર તરીકેની ટર્મ દરમિયાન તેઓએ ડ્રેનેજ પ્રોજેકટ, પ્રિઝન સાઇટ રિડેવલપમેન્‍ટ, તથા હરિકેન વાવાઝોડા દરમિયાન લોકોને મદદરૂપ થઇ તેમનું જીવન પૂવર્વત કરી આપવા જહેમત ઉઠાવી હતી.

તેઓ અનેક કોમ્‍યુનીટી સંસ્‍થાઓ સાથે જોડાયેલા છે. તેમજ ‘‘ફોર્ટી અન્‍ડર ફોર્ટી'' તરીકે પણ હયુસ્‍ટન વિઝનેસ જર્નલમાં સ્‍થાન મેળવી ચૂક્‍યા છે.

(11:25 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • અમદાવાદના જુહાપુરામાંથી લાખોની કિંમતનું ડ્રગ્સ ઝડપાયું : ૯II કિલો ચરસ સાથે ૩ની ધરપકડઃ મુંબઇથી મંગાવાયેલ હતું: નાર્કો વિભાગ- એનસીબીને મોટી સફળતા access_time 4:09 pm IST