Gujarati News

Gujarati News

News of Thursday, 15th February 2018

‘‘માનવ સેવા એજ પ્રભુ સેવા'': વિશ્વના જુદા દેશોના જંગલો, પર્વતો, બોર્ડર, તથા પછાત વિસ્‍તારોમાં વસતા જરૂરિયાતમંદ નાગરિકોની વહારે ઇન્‍ડિયન અમેરિકન ડો.ચંદ્રકાંત એમ.મોદીની ટીમઃ છેલ્લા ૨૦ વર્ષથી કાર્યરત નોનપ્રોફિટ ‘‘ફલાઇંગ ડોકટર્સ''ના નેજા હેઠળ, ડોકટરો,નર્સો, તથા મેડીકલ સ્‍ટુડન્‍ટસ દ્વારા પોતાના ખર્ચે મુસાફરી કરી જરૂરિયાતમંદ નાગરિકોને અપાઇ રહેલી વિનામુલ્‍યે આરોગ્‍ય સેવાઓઃ જય હો...

યુ.એસ.માં માનવ સેવા એજ પ્રભુ સેવાના ઉમદા ધ્‍યેય સાથે ઇન્‍ડિયન અમેરિકન ડો.ચંદ્રકાંત એમ.મોદી હિન્‍દુ સંસ્‍કૃતિને ઉજાગર કરી રહ્યા છે તથા પિતાનું સ્‍વપ્‍ન પૂર્ણ કરી  રહ્યા છે નોનપ્રોફિટ ‘ફલાઇંગ ડોકટર્સ' ના ઉપક્રમે શ્રી મોદી તથા તેમની ટીમ કે જેમાં અન્‍ય ડોકટરો, નર્સો તથા મેડીકલ સ્‍ટુડન્‍ટસ શામેલ હોય છે તેઆ જુદા જુદા દેશોના જંગલ  વિસ્‍તાર, બોર્ડર વિસ્‍તાર, તેમજ પછાત વિસ્‍તારોમાં વસતા જરૂરિયાતમંદ નાગરિકોને પોતાના ખર્ચે મુસાફરી કરી વિનામૂલ્‍યે આરોગ્‍ય સેવાઓ આપે છે.

છેલ્લા ૨૦ વર્ષથી ચાલતા આ અભિયાન અંતર્ગત ડો.મોદીની ટીમએ હૈતી, માડાગાસ્‍કર, એમેઝોન, પનામા, જોર્ડન તેમજ ભારત અને તિબેટની સરહદના ગ્રામ્‍ય અને પર્વતાળ વિસ્‍તારોમાં જઇ આરોગ્‍ય સેવાઓ આપી છે. તથા દર્દીઓ પાસેથી નાણા લેવાને બદલે તેમના આશિર્વાદ લીધા છે

આગામી દિવસોમાં આ ફલાઇંગ ડોકટર્સની ટીમ દ્વારા પયાના, ગુયાના, પેરૂ, સહિતના દેશોના જરૂરિયાતમંદ લોકોને આરોગ્‍ય સેવાઓનો લાભ આપવા ઉપરાંત બોલિવીઆ સહિતના દેશોની મહિલા જેલોમાં સેવાઓ આપવાનું નક્કી કરાયું છે  તેવું શ્રી સુરેશ તથા સુશ્રી ઉષા બોડીવાલીની યાદીમાં જણાવાયું છે.

(11:01 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • સાંજે જામનગર નજીક ઢીંચડા ગામમાં બે જૂથ વચ્ચેની અથડામણમાં ખાનગી ફાયરિંગની ઘટના બનવા પામેલ તે અંગે બેડી મરીન પોલીસ ટુકડી તપાસ કરી રહી હોવાનું જાણવા મળે છે access_time 12:42 am IST