Gujarati News

Gujarati News

News of Wednesday, 15th January 2020

તરણજીત સિંહ સંધુને અમેરિકામાં નવા રાજદૂત તરીકે નિયુક્ત કરાયા

સંધૂને અમેરિકામાં હર્ષવર્ધન શ્રૃંગલાના સ્થાને નિયુક્ત

વોશિંગ્ટન:તરણજીત સિંહ સંધુને અમેરિકામાં ભારતના નવા રાજદૂત તરીકે નિયુક્ત કરાયા છે તેઓ હાલમાં શ્રીલંકામાં ભારતના રાજદૂત છે. સંધૂને અમેરિકામાં હર્ષવર્ધન શ્રૃંગલાના સ્થાને નિયુક્ત કરવામાં આવ્યા છે. શ્રૃંગલા આ અઠવાડિયે ભારત પરત આવી રહ્યા છે અને તેઓ હવે વિદેશ સચિવની જવાબદારી સંભાળશે.

ભારતના વર્તમાન વિદેશ સચિવ વિજય ગોખલે આ મહિનાના અંતમાં સેવાનિવૃત થવાના છે. ગોખલેના સ્થાને શ્રૃંગલાને નવા વિદેશ સચિવ નિયુક્ત કરાયા છે. સંધૂને અમેરિકાના રાજદૂત બનાવાયા છે. આ સાથે જ જાવેદ અશરફ જે અત્યારે સિંગાપુરના રાજદૂત છે. તેમને ફ્રાંસના રાજદૂત નિયુક્ત કરાયા છે. છેલ્લા કેટલાક વર્ષોમાં ભારત અને ફ્રાન્સ વચ્ચે રાજકીય સંબંધ ગાઢ થયા છે. ફ્રાંસના વર્તમાન રાજદૂત વિનય ક્વાત્રા નેપાળના રાજદૂતની જવાબદારી સંભાળશે. નેપાળના વર્તમાન રાજદૂત મનજીવ સિંહ પુરી અત્યારે સેવાનિવૃત થયા છે.

(1:34 pm IST)
  • અમદાવાદમાં ૪ શખ્સો પિસ્તોલ સાથે ઝડપાયા : અમદાવાદ ક્રાઇમબ્રાંચનું સફળ ઓપરેશનઃ ગુજસીટોક કાયદા હેઠળ પ્રથમ કેસ નોંધાયોઃ મેઘાણીનગર વિસ્તારમાંથી ચાર શખ્શો ઝડપાયાઃ કુખ્યાત વિશાલ ગોસ્વામી ગેંગના સાગરીતો પર સંકજો access_time 4:07 pm IST

  • માઇકલ દેબબ્રત પાત્રા રિઝર્વ બેન્કના નવા ડેપ્યુટી ગવર્નર : પાત્રા ફુગાવા અને ઘટતા જીડીપી ગ્રોથ વચ્ચે મોનેટરી પોલીસી વિભાગ સંભાળશે access_time 4:08 pm IST

  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST