Gujarati News

Gujarati News

News of Monday, 12th August 2019

અમેરિકાના ન્યુજર્સીમાં વાઇબ્રન્ટ નવરાત્રિ મહોત્સવની તડામાર તૈયારીઓ શરૃઃ યુનાઇટેડ રિષભના ઉપક્રમે આગામી તા. ર૭ તથા ર૮ સપ્ટે. ૪ તથા પ અને ૧૧ તથા ૧ર ઓકટો. ર૦૧૯ ના રોજ થનારી ઉજવણીઃ એડિસન મુકામે સૌથી મોટા ગણાતા આ ઉત્સવમાં સંપૂર્ણ સલામતિ અને ફ્રી પાર્કીગની સુવિધા સાથે ગરબે ઘુમવા અગાઉથી ટિકિટ બુક કરાવી લેવા અનુરોધ

(દિપ્તીબેન જાની દ્વારા) ન્યુજર્સી ઃ યુ.એસ.માં ન્યુજર્સીનો સૌથી મોટો ગણાતો વાઇબ્રન્ટ  નવરાત્રિ મહોત્સવ 97 સનફિલ્ડ એવ. એડિસન મુકામે આગામી ર૭ તથા ર૮ સપ્ટે. તેમજ ૪ તથા પ ઓકટો અને ૧૧ તથા ૧ર ઓકટો. ર૦૧૯ ના રોજ યોજાશે.

યુનાઇટેડ રિષભના ઉપક્રમે યોજાનારા આ નવરાત્રિ મહોત્સવમાં કાર્પેટ સગવડ સાથે તથા સજજડ બંદોબસ્ત અને સલામતિ સાથે વિનામૂલ્યે પાર્કીગ સુવિધા સહિત ગરબે ઘુમવાની વ્યવસ્થા કરાઇ છે.

નવરાત્રિમાં રાસ-ગરબાનો આનંદ માણવા ઇચ્છુકોને અગાઉથી બુકીંગ કરાવી લેવાથી ટિકિટની ફીમાં વળતરનો લાભ મળશે. જે શુક્રવારે  ૧૦ ડોલર તથા શનિવાર ૧ર ડોલર છે. જે લીમીટેડ સંખ્યામાં તથા લીમીટેડ દિવસો માટે રાખવામાં આવી છે. (રાત્રે ૧૧ વાગ્યા પછી પ્રવેશની કોઇ ખાત્રી નથી) તેમજ સ્થળ ઉપર ટિકિટની ફી ૧ર ડોલર તથા ૧પ ડોલર રહેશે. VIP  ટિકિટ માટેની ફી શુક્રવારે રપ ડોલર તથા શનિવારે ૩૦ ડોલર રાખવામાં આવી છે જેમાં સ્ટેજની નજીક બેસવાની તથા રાસ લેવાની સગવડ મળશે તથા VIP લોન્જમાં મહાલવાનો લાભ મળશે.

અગાઉથી ટિકિટ બુક કરાવવા માટે SULEKHA.C0M  દ્વારા સંપર્ક સાધવાનો રહેશે. ૪૦ ઇંચથી વધુ હાઇટ ધરાવતા બાળકોની ટિકિટ લેવાની રહેશે.

મહોત્સવમાં બુથ, બેનર્સ, તથા સ્પોન્સરશીપ માટે શ્રી નિલેશ દાસોન્ડી 732-979-4512 અથવા શ્રી લવ પટેલનો કોન્ટેક નં. 732-770- 2561 દ્વારા સંપર્ક સાધવા જણાવાયુ છે.

(9:16 pm IST)
  • થોડા વિરામ પછી ભાવનગરમાં ભારે વરસાદ : ભાવનગરમાં બપોર પછી પડેલા વરસાદથી શહેરના માર્ગો પર પાણી ભરાયા access_time 11:52 pm IST

  • નેપાળના રસ્તે ઘુષણખોરી કરનાર વિદેશી મહિલાની ધરપકડ ;બિહારના પૂર્વી ચંપારણ જિલ્લાના રકસોલ ક્ષેત્રમાં નેપાળના રસ્તેથી ભારતમાં ઘુસવા પ્રયાસ કરતી મહિલાને સુરક્ષા એજન્સીઓએ ઝડપી લીધી :મહિલા પાસે પૂરતા દસ્તાવેજ નથી access_time 1:09 am IST

  • દિલ્હી સરકારની ઓટો ચાલકોને મોટી ભેટ ;જીપીએસ ફી અને ફિટનેસ ફી માફ :મુખ્યમંત્રી અરવિંદ કેજરીવાલે કરી જાહેરાત ;નવો ફેરફાર પહેલી સપ્ટેમ્બરથી થશે લાગુ access_time 1:11 am IST