Gujarati News

Gujarati News

News of Thursday, 14th June 2018

પાકિસ્તાનના પેશાવરમાંથી શીખોની હિજરત શરૂ : છાશવારે હત્યાનો ભોગ બનતા શીખો વતન ભારતમાં પરત ફરશે અથવા અન્ય વિસ્તારોમાં વસવાટ કરશે

પેશાવર : પાકિસ્તાનના પેશાવરમાં વસતા શીખ સમુદાય ઉપર થતા છાશવારે હુમલાઓથી તંગ આવી જઇ ૬૦ ટકા જેટલા શીખ પરિવારોએ ઉચાળા ભરી લઇ અન્ય વિસ્તારો માં રહેવાનું અથવા તો ભારતમાં આવવાનું શરૂ કરી દીધુ છે. તેવું સમાચાર સૂત્રો દ્વારા જાણવા મળે છે.

હાલમાં પેશાવરમાં ૩૦ હજાર જેટલા શીખો વસે છે. તેમાંથી ૬૦ ટકાનું સ્થળાંતર થઇ રહ્યું છે. જે અંગે પ્રતિભાવ આપતા બાબા ગુરપાલ સિંઘએ જણાવ્યું હતું કે પેશાવરમાં શીખોનો નરસંહાર શરૂ થઇ ગયો છે. હજુ થોડા દિવસ પહેલા જ શીખ ધર્મગુરૂ ચરણજીત સિંહની ખુલ્લેઆમ હત્યા થઇ હતી. અગાઉ પણ થયેલી આવી અનેક હત્યાઓના આરોપીઓ પકડાયા નથી. શીખોનો પહેરવેશ અને પાઘડી આ માટે નિમિત બની રહ્યાં હોવાનું જણાય છે. એક અનુમાન એવું પણ છે કે તાલિબાની આતંકવાદીઓ આ હત્યાઓ કરી રહ્યાં છે.

(11:31 am IST)
  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST

  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST