Gujarati News

Gujarati News

News of Monday, 12th March 2018

ફંડ રેઇઝીંગ પ્રોગ્રામઃ યુ.એસ.માં એનાહાઇમ કેલિફોર્નિયાના મેયરપદના ઉમેદવાર ઇન્‍ડિયન અમેરિકન શ્રી હેરી સિધુ માટે ૧૫ માર્ચના રોજ કરાયેલું આયોજન

કેલિફોર્નિયાઃ યુ.એસ.માં એનાહાઇમ કેલિફોર્નિયાના મેયર પદના ઉમેદવાર ઇન્‍ડિયન અમેરિકન બીઝનેસમેન શ્રી હેરી સિધુ માટે ફંડ રેઇઝીંગ પ્રોગ્રામનું આયોજન કરાયું છે.

૧૫ માર્ચ ૨૦૧૮ ગુરૂવારના રોજ યોજાનારા આ પ્રોગ્રામનો સમય સાંજે ૫-૩૦ થી ૭-૩૦ દરમિયાન રાખવામાં આવ્‍યો છે. જેનું સ્‍થળ શેરેટોન હોટલ, ૧૮૫૫ હાર્બર Blvd એનાહાઇમ કેલિફોર્નિયા રાખવામાં આવ્‍યુ છે.

ઉલ્લેખનીય છે કે રિપબ્‍લીકન શ્રી સિધુ આ અગાઉ ૨૦૦૪ થી ૨૦૧૨ની સાલ દરમિયાન એનાહઇમ કાઉન્‍સીલર તરીકે ફરજ બજાવી ચૂકયા છે. જેઓ આ હોદા ઉપર ચૂંટાઇ આવેલા સૌપ્રથમ શીખ તરીકેનું માન ધરાવે છે આ ૮ વર્ષના સમયગાળા દરમિયાન તેમણે વચગાળાના મેયર તરીકે પણ જવાબદારી નિભાવેલી છે. તેમણે ૨૦૧૬ની સાલમાં કેલિફોર્નિયા સ્‍ટેટ એસેમ્‍બલમાં ૬૮માં ડીસ્‍ટ્રીકટમાંથી ઉમેદવારી નોંધાવી હતી. જેમાં પ્રાઇમરી ચૂંટણીમાં તેઓ બહુ ઓછા મતે પરાજીત થયા હતા.

(9:37 pm IST)
  • લોકસભાના ચાલુ બજેટ સત્રમાં : આજે આર્થિક અપરાધ ખરડા ઉપર ચર્ચા થવા સંભાવનાઃ બન્ને ગૃહમાં ૮ દિવસથી ધમાલ ચાલુઃ મોદી સરકારે ૧ર માર્ચે લોકસભા દેશ છોડી ફરાર થયેલા આર્થિક ગુન્હેગારોની સંપત્તિ કબ્જે કરવા બાબતે ખાસ બીલ રજૂ કરેલ છે access_time 4:55 pm IST

  • નરેન્દ્રભાઈને પત્ર લખી મળવાનો સમય માગતા તોગડીયા : વિહપીના આંતરરાષ્ઠ્રીય પ્રમુખ ડો. પ્રવિણભાઈ તોગડીગયાએ નરેન્દ્રભાઈને પત્ર લખી મળવાનો સમય માગ્યો છે : પત્રમાં લખ્યુ છે કે આશા રાખુ છુ કે આ પત્રનો સરકારી રાહે જવાબ નહિં આવે, એક વિખૂટો પડેલ મિત્ર ફોન ઉઠાવીને વાત કરીને મળવાનો સમય નક્કી કરશે access_time 6:15 pm IST

  • દુબઈની રાજકુમારી શેખ લાતિફા ગોવાથી લાપત્તા : દુબઈની રાજકુમારી અને શેખ મોહમ્મદ બિન રાશિદ સઈદ અલ મકતૌમની પુત્ર શેખ લાતિફા (ઉ.વ.૩૨) ગોવાથી લાપત્તા થઈ હોવાના અહેવાલો : ઉલ્લખનીય છે કે, આ અગાઉ લાતિફાને ઘરમાંથી ભાગવાની કોશિશ કરવાના આરોપમાં ત્રણ વર્ષ સુધી પૂરીને રાખવામાં આવી હતી : તેના તુરંત બાદ જ તે અમેરીકામાં રાજનૈતિક શરણ લેવા ઈચ્છતી હતી access_time 4:20 pm IST