Gujarati News

Gujarati News

News of Wednesday, 14th February 2018

યુ.એસ.માં હરિ ઓમ મંદિરમાં પ્રજાસત્તાક દિન, વસંત પંચમી તથા સરસ્‍વતી પૂજા ઉત્‍સવ ઉજવાયોઃ ૨૮ જાન્‍યુઆરીના રોજ ઉજવાયેલ ત્રણ ઉત્‍સવ અંતર્ગત મંદિરમાં શણગાર સાથે શ્‍લોકો તથા ગીતોના નાદથી ભાવિકો ભાવવિભોર

યુ.એસ.માં હરિ ઓમ મંદિરના ઉપક્રમે ૨૮ જાન્‍યુ. ૨૦૧૮ના રોજ ભારતનો પ્રજાસત્તાક દિન, વસંત પંચમી તથા સરસ્‍વતી પૂજા એમ ત્રણ ઉત્‍સવો ઉજવાયા હતા જે માટે મંદિર શણગારાયું હતું.

વસંત પંચમીની ઉજવણી માટે પીળા કલરના ફુલો તથા પીળા કલરના વષાો સાથે ભાવિકો આવ્‍યા હતાં તથા પીળા કલરના પ્રસાદ સાથે લંગરનું આયોજન કરાયું હતું. તેમજ ભારતના ૬૯મા પ્રજાસત્તાક પર્વની ઉજવણી માટે ભારત તથા અમેરિકાનો ધ્‍વજ લહેરાવાયો હતો. બંને દેશોના રાષ્‍ટ્રગીતનું ગાન કરાયું હતું. સરસ્‍વતી પૂજન ઉત્‍સવ નિમિત્તે મા સરસ્‍વતીની પૂજા કરી સ્‍તુતિનું ગાન કરાયું હતું.

દેશભક્‍તિસભર ગીતો તથા ભારત માતાકી જય અને વંદે માતરમ્‌ના નાદ બાદ લંચ લઇ સહુ છુટા પડયા હતાં તેવું શ્રી સુરેશ તથા સુશ્રી ઉષા બોડીવાલાની યાદી જણાવે છે.

(11:01 pm IST)
  • મલયાલમ ફિલ્મ 'ઉરુ અદાર લવ'ના એક નાના એવા વીડિયોથી ઈન્ટરનેટ પર સેન્સેશન બની ગયેલી એક્ટ્રેસ પ્રિયા પ્રકાશ અને ફિલ્મના પ્રોડ્યુસર વિરુધ્ધ હૈદરાબાદમાં ફરિયાદ નોંધવાઈ છે, હૈદરાબાદમાં ફિલ્મ રિલીઝ થાય એ પહેલા જ તેના ગીતના કેટલાક શબ્દો પર વિરોધ્ધ થઈ રહ્યો છે. ફરિયાદ નોંધાવનારનુ્ં કહેવું છે કે ગીતના લીધે મુસલમાનોની લાગણીઓને ઠેસ પહોંચી છે. access_time 12:23 pm IST

  • દેશમાં આજે ઠેર-ઠેર થઈ રહ્યો છે વેલેન્ટાઇન-ડે નો વિરોધ : હૈદ્રાબાદમાં બજરંગ દળના કાર્યકર્તાઓએ પુતળા બાળ્યા : ચેન્નાઈમાં ભારત હિંદુ ફ્રન્ટ સંસ્થાએ વેલેન્ટાઇન-ડે ના વિરોધમાં કુતરા ને ગધેડાના લગ્ન કરાવ્યા : અમદાવાદમાં રીવરફ્રન્ટ પર બજરંગ દળના લોકો પ્રેમી યુગલો પાછળ લાકડી લઈને દોડ્યા : પટણામાં વેલેન્ટાઇન-ડે ના વિરોધમાં હિંદુ મહાસભાના કાર્યકર્તાઓએ વિરોધ પ્રદર્શન કરીને પુતળા સળગાવ્યા હતા. access_time 12:57 pm IST

  • રાજસ્થાનમાં આવેલા રણથંભોર નેશનલ પાર્કમાં વાઘની સંખ્યામાં વધારો થયો છે. જાન્યુઆરીમાં પાર્કમાં કુલ ૬૭ વાઘ હતા. તેમાંથી ૨૧ નર વાઘ અને ૨૦ માદા છે. પાર્કના ઈતિહાસમાં આટલા બધા વાઘ ક્યારેય જોવા મળ્યા નથી, એક સમયે વાઘની સંખ્યા ઘટીને 25 થઈ ચુકી હતી. નિષ્ણાંતોના જણાવ્યા પ્રમાણે પાર્કની ક્ષમતા કરતા અહી વાઘની સંખ્યા વધી ગઈ છે. access_time 1:06 pm IST