Gujarati News

Gujarati News

News of Friday, 8th January 2021

આવતીકાલ 9 જાન્યુઆરી 2021 ના રોજ વડાપ્રધાન શ્રી નરેન્દ્ર મોદી 16 મા ' પ્રવાસી ભારતીય દિવસ ' નું ઉદઘાટન કરશે : કોરોના વાઇરસને કારણે થનારી વર્ચ્યુઅલ ઉજવણીનું સૂત્ર ' આત્મ નિર્ભર ભારત '

ન્યુદિલ્હી : આવતીકાલ 9 જાન્યુઆરી 2021 ના રોજ વડાપ્રધાન શ્રી નરેન્દ્ર મોદી 16 મા ' પ્રવાસી ભારતીય દિવસ ' નું ઉદઘાટન કરશે . આ પ્રસંગે સુરિનામના રાષ્ટ્રપતિ ચંદ્રિકા પ્રસાદ સંતોખી મુખ્ય વક્તા તરીકે ઉદબોધન કરશે .

કોરોના વાઇરસને કારણે થનારી વર્ચ્યુઅલ ઉજવણીનું સૂત્ર ' આત્મ નિર્ભર ભારત ' રાખવામાં આવ્યું છે.ઉજવણી અંતર્ગત યુવાનો માટેની ' ભારતને જાણો ' સ્પર્ધાના વિજેતાઓનું સન્માન કરાશે .

ઉદઘાટન સત્ર બાદ અન્ય 2 સત્રોનું પણ આયોજન કરાયું છે.
પ્રથમ સત્રમાં આત્મ નિર્ભર ભારત વિષે વિદેશ મંત્રી ઉદબોધન કરશે.જયારે બીજા સત્રમાં કોવિદ -19 ના પડકારો સામે લોકોનું સ્વાસ્થ્ય ,દેશનું અર્થતંત્ર ,આંતર રાષ્ટ્રીય સબંધો સહિતના વિષયો ઉપર સ્વાસ્થ્ય મંત્રી ઉદબોધન કરશે.

ઉલ્લેખનીય છે કે મહાત્મા ગાંધી સાઉથ આફ્રિકાથી ભારત આવ્યા તેની સ્મૃતિમાં પ્રવાસી ભારતીય દિવસ ઉજવાય છે.જે પૂર્વ વડાપ્રધાન અટલ બિહારી બાજપેયીની સરકાર વખતથી શરૂ કરાયેલી ઉજવણી દર વર્ષે કરાતી હતી.હવે દર બે વર્ષે કરવામાં આવે છે.

(1:14 pm IST)
  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST

  • ૧૫ જાન્‍યુઆરીથી જ શરૂ થશે નવા સંસદ ભવનનું નિર્માણ કાર્ય : ૨૦૨૨માં ગણતંત્ર દિવસ સમારોહનું આયોજન નવા નિર્માણ પામેલા રાજપથ પર થશે access_time 2:44 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST