Gujarati News

Gujarati News

News of Sunday, 14th January 2018

ભારતમાંથી દત્તક લીધેલી ૩ વર્ષની માસૂમ બાળકી શેરીનના હત્‍યારા પાલક પિતાને મોતની સજા ફરમાવવા સરકારી વકીલની ભલામણઃ દલાસ સ્‍થિત ઇન્‍ડિયન અમેરિકન વેસ્‍લે મેથ્‍યુએ ઓકટો.૨૦૧૭માં રાત્રે દૂધ પીવાના સામાન્‍ય મામલે દત્તક પુત્રીને બેરહેમ પણે મારતા મોત નિપજ્‍યુ હતું

ટેકસાસઃ ભારતમાંથી દત્તક લીધેલી ૩ વર્ષની માસૂમ બાળકી શેરીનને માર મારી હત્‍યા નિપજાવવાના આરોપસર પકડાયેલા પાલિક પિતા ઇન્‍ડિયન અમેરિકન ૩૭ વર્ષીય વેસ્‍લે મેથ્‍યુને મોતની સજા ફરમાવવા પ્રોસીકયુટર્સ દ્વારા ભલામણ થઇ હોવાનું સમાચાર સૂત્રો દ્વારા જાણવા મળે છે.

ઓકટો ૨૦૧૭માં દૂધ પીવાના મામલે રાત્રે શેરિનને બેરહેમીપૂર્વક માર મારી બહાર ફેંકી દઇ તેનું મોત નિપજાવવાનો આ પાલક પિતા ઉપર આરોપ છે. આ બાળકીને ઘરની પાછળના વાડામાં ફેંકી દેવાઇ હોવાથી તેની લાશ મળી આવતા મેથ્‍યુ દંપતિની ધરપકડ કરવામાં આવી હતી. બાદમાં પોસ્‍ટમોર્ટમ રિપોર્ટમાં આ બાળકી ઉપર હિંસા આચરાઇ હોવાથી તેનું મોત થયાનું ખૂલ્‍યુ હતુ. તેવું સમાચાર સૂત્રો દ્વારા જાણવા મળે છે.

 

(9:22 pm IST)
  • બળવાખોરોના કબજા હેઠળની સીરિયાની રાજધાની દમાસ્કસના બહારના વિસ્તારોમાં ભયંકર કેમિકલ ગેસનો હુમલો થયાનું બહાર આવ્યું છે. બીબીસીના હવાલાથી જાણવા મળે છે કે રોજિંદા બોમ્બમારાની વચ્ચે વસતા પૂર્વ ગુટા ક્ષેત્રના લોકોએ એક મિસાઈલ હુમલા પછી એક પ્રકારની ગેસની દુર્ગંધ અનુભવી હતી. આરોગ્ય કર્મીઓનું કહેવું છે કે આ હુમલા બાદ ઘણા લોકોને શ્વાસ સંબંધિત તકલીફોની સારવાર અપાઈ રહી છે. access_time 3:15 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છે જ access_time 11:48 am IST

  • ફિલ્મ 'પદ્માવત'ની સત્તાવાર રીલીઝ ડેટ વાયકોમ-18એ જાહેર કરી દીધી છે. ફિલ્મ 25 જાન્યુઆરીના રોજ થિયેટર્સમાં જોવા મળશે. સંજય લીલા ભણસાલીની ફિલ્મ પદ્માવત તમિલ, તેલુગુ અને હિન્દીમાં એમ ત્રણ ભાષાઓમાં રજુ કરાશે. નિર્માતાઓએ નવા શીર્ષક સાથે પદ્માવતનું પોસ્ટર પણ રજુ કર્યું છે. સેન્સરએ પાંચ ફેરફારો સાથે ફિલ્મને "U/A" સર્ટીફીકેટ આપ્યું છે. આ સર્ટીફીકેટ સાથેની ફિલ્મોને એકલા નાના બાળકોને જોવાની મંજૂરી નથી હોતી. access_time 8:08 pm IST