Gujarati News

Gujarati News

News of Saturday, 8th June 2019

ઇન્‍ડિયન અમેરિકન શ્રી પ્રેસ્‍ટોન કુલકર્ણી ૨૦૨૦ની સાલમાં ફરીથી ચૂંટણી લડશેઃ ૨૦૧૮ની સાલમાં ટેકસાસના રરમા કોંગ્રેશ્‍નલ ડીસ્‍ટ્રીકટની મધ્‍યસત્રી ચુંટણીમાં પાંખી બહુમતિથી પરાજીત થયા હતા

ટેકસાસઃ યુ.એસ.માં ટેકસાસના ૨૨મા ડીસ્‍ટ્રીકટમાંથી ૨૦૨૦ની સાલમાં કોંગ્રેસના ડેમોક્રેટ ઉમેદવાર તરીકે ફરીથી ચુંટણી લડવાનું ઇન્‍ડિયન અમેરિકન શ્રી પ્રેસ્‍ટોન કુલકર્ણીએ નક્કી કર્યુ છે. જેઓ આ અગાઉ ૨૦૧૮ની સાલમાં ઉપરોક્‍ત મત વિસ્‍તારમાં રિપબ્‍લીકન કોંગ્રેસમેન સામે નજીવી બહુમતિથી પરાજીત થયા હતા. જે મધ્‍યસત્રી ચૂંટણી હતી.

ઓછી આવક ધરાવતા લોકો પ્રત્‍યે જોવા મળતી અસમાનતા નાબુદ કરવાના હેતુથી ચૂંટણી લડી રહેલા શ્રી કુલકર્ણીના માતા-પિતા ૧૯૮૦ની સાલથી ટેકસાસમાં સ્‍થાયી થયેલા  છે.

(8:22 pm IST)
  • પોરબંદર જિલ્લામાંથી 38551 લોકોનું સ્થળાંતર :વાયુ વાવાઝોડાને પગલે પોરંબદર દરિયા કાંઠાના વિસ્તારમાંથી 38 ,551 લોકોનું સ્થળાંતર કરાયું છે :સાવચેતીના પગલાં રૂપે પોરબંદર સહીત જિલ્લાના રાણાવાવ કુતિયાણા સહિતના સ્થળેથી સ્થળાંતર access_time 10:45 pm IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST