Gujarati News

Gujarati News

News of Friday, 9th February 2018

શ્રી સ્વામીનારાયણ સનાતન મંદિર સવાનાહ -જયોર્જીયા ખાતે ઉજવાયો શાકોત્સવ

હિંદુ સંસ્કૃતિ પ્રવર્તનના કેન્દ્ર સમાન સવાનાહ-જયોર્જીયા ખાતે આવેલ SGVP ગુરૂકુલ, સનાતન મંદિર (SGVP અમદાવાદની શાખા) ખાતે વિવિધતા સભર અનેક ઉત્સવો ઉજવાતા રહે છે.

સ્વામી શ્રી માધવપ્રિયદાસજી પ્રેરણાથી ત્રીજી ફેબ્રુઆરી, શનિવારના દિવસે શાકોત્સવનું આયોજન કરવામાં આવ્યું હતું.

લોયા દરબાર સુરા ખાચરે પોતાની સમગ્ર સંપતિ ભગવાનશ્રી સ્વામિનારાયણ સમર્પિત કરી હતી. ભગવાન શ્રી સ્વામિનારાયણ એ સંપત્તિમાંથી શાકોત્સવ કરી હજારો સંતો-હરિભકતોને જમાડયા હતા. એ સમયે ભગવાનશ્રી સ્વામિનારાયણે જાતે રીંગણાનું શાક કર્યુ હતું. એ પાવનકારી શાકોત્સવની સ્મૃતિમાં આજે પણ ઠેર-ઠેર શાકોત્સવ કરવામાં આવે છે.

આ પવિત્ર પ્રસંગનું સ્મરણ કરીને અમેરિકા ખાતે પણ શાકોત્સવ ઉજવવામાં આવ્યો હતો. શાકોત્સવનો લાભ લેવા જયોર્જીયાના વિવિધ વિસ્તારોમાંથી ભાવિક ભકતજનો પધાર્યા હતા.

શાકોત્સવની કથાનું ગાન કરતા સાધુ ભકિતવેદાંતદાસજી એ સુરાખાચરના જીવનને આધારે પ્રેરણાત્મક કથાવાર્તા કરી હતી. જયારે શાસ્ત્રી શ્રી કુંજવિહારીદાસજી તથા સ્વયંસેવક ભાઇ-બહેનોને શાકોત્સવની ખુબ જ સુંદર તૈયારીઓ કરી હતી.

શાકોત્સવનો અનોખો સ્વાદ માણીને અમેરિકામાં વસતા ભારતીય ભાઇ-બહેનોને પોતાના વતનની યાદ તાજી થઇ ગઇ હતી. (૯.૬)

(2:28 pm IST)
  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST

  • અંદામાન ટાપુઓ ઉપર ૫.૬નો મોટો ભૂકંપઃ કેન્દ્રબિન્દુ જમીનથી ૧૦ કિ.મી. નીચે છે access_time 11:38 am IST