Gujarati News

Gujarati News

News of Saturday, 13th January 2018

સજા થવાના બે દિવસ પહેલા નાસી જવાની કોશિષ બદલ ઇન્‍ડિયન અમેરિકન નિકેશ પટેલની ધરપકડઃ ૨૦૧૬ની સાલમાં ૧૭૯ મિલીયન ડોલરના વાયરફ્રોડ બદલ ૯ જાન્‍યુ.ના રોજ સજા ફરમાવાય તે પહેલા ૬ જાન્‍યુ.એ બીજે રાજ્‍યાશ્રય મેળવવા ભાગી જવાની કોશિષ

ફલોરિડાઃ યુ.એસ.માં રિઅલ એસ્‍ટેટ ક્ષેત્રે ૧૭૯ મિલીયન ડોલરનું કૌભાંડ આચરવાના આરોપસર પકડાયેલા તથા જામીન ઉપર મુક્‍ત કરાયેલા ઇન્‍ડિયન અમેરિકન CEO ૩૩ વર્ષીય નિકેશ પટેલને સજા ફરમાવાય તે પહેલા જ બે દિવસ અગાઉ એટલે કે ૬ જાન્‍યુ.ના રોજ ચાર્ટર્ડ ફલાઇટ દ્વારા ફલોરિડાથી નાસી જઇ બીજે રાજયાશ્રય મેળવવા જતા પહેલા જ FBIએ પકડી લીધેલ છે તથા ૮ જાન્‍યુ.ના રોજ કોર્ટમાં રજુ કરાતા તેને બિનજામીન લાયક વોરંટ સાથે શિકાગો જેલમાં ખસેડવાનો હુકમ કરાયો છે.

ઉલ્લેખનીય છે કે નિકેશ પટેલ ઉપર ૨૦૧૬ની સાલમાં વાયર ફ્રોડના આરોપો લગાવાયા હતા. જેના અનુસંધાને તેને ૯ જાન્‍યુ ૨૦૧૮ના રોજ સજા ફરમાવવાની હતી. ત્‍યાર પહેલા જ તેણે નાસી જવાની કોશિષ કરતા હવે બીજો ગૂનો નોંધાયો છે તેવું સમાચાર સૂત્રો દ્વારા જાણવા મળે છે.

 

(9:21 pm IST)
  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST