Gujarati News

Gujarati News

News of Saturday, 13th January 2018

‘‘ધર્મજ ડે'': વિદેશોમાં સ્‍થાયી થયેલા ગુજરાતના ધર્મજ ગામના વતનીઓ તથા સ્‍થાનિક લોકો દ્વારા દર વર્ષે ૧૨ જાન્‍યુ. ના રોજ ઉજવાતો દિવસ : યુ.કે, આફ્રિકા, ઓસ્‍ટ્રેલિયા, અમેરિકા સહિતના દેશોમાં સ્‍થાયી થયેલા એક હજાર જેટલા NRI વતનીઓ ઉમટી પડવાની ધારણાં

આણંદ : ગુજરાતના આણંદ જીલ્લામાં આવેલા ધર્મજ ગામમાંથી અનેક લોકો યુ.કે, યુ.એસ.એ, ન્‍યુઝીલેન્‍ડ, કેનેડા, ઓસ્‍ટ્રેલિયા, આફ્રિકા સહિતના દેશોમાં સ્‍થાયી થયોનો રેકોર્ડ છે. આથી આ ગામના લોકો ૨૦૦૭ ની સાલથી ૧૨ જાન્‍યુ. નો દિવસ ‘‘ધર્મજ ડે'' તરીકે ઉજવે છે. એટલું જ નહિં આ દિવસે વિદેશોમાં એક હજાર જેટલા વતનીઓ હાજર રહે છે. તેમજ ૧૨ જાન્‍યુ. ના રોજ ‘‘ધર્મજ ડે'' ની ઉજવણી બાદ ૧૪ જાન્‍યુ. રોજ ઉતરાયણ તહેવારનો આનંદ માણી પાછા જાય છે.

આ વર્ષે આજે સતત ૧૨મો વાર્ષિક ધર્મજ ડે ઉજવાઇ રહયો છે. જેમાં નાઇરોબી ખાતે હાઇકોર્ટના જજ તરીકે સેવાઓ આપનાર સ્‍વ.વિનોદભાઇ પટેલને ‘ધર્મજ રત્‍ન' એવોર્ડ અપાશે જે સ્‍વીકારવા તેમના પુત્ર કેન્‍યા સ્‍થિત શ્રી કેતન પટેલ સહપરિવાર હાજર રહેશે. તથા યુ.એસ.ના શ્રી નરેશ પટેલ મુખ્‍ય મહેમાન તરીકે હાજરી આપશે. આઇ.એ.એસ. અધિકારી શ્રી ભાગ્‍યેશ ઝા ‘‘ચલો જીવન રિચાર્જ કરે'' વિષય ઉપર ઉદબોધન કરશે.

આ ઉજવણીમાં દર વર્ષે સ્‍થાનિક લોકો તથા NRI સહિત  ૩ હજાર જેટલા લોકો જોડાય છે તેવું સમાચાર સૂત્રો દ્વારા જાણવા મળે છે.

(11:14 pm IST)
  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST