Gujarati News

Gujarati News

News of Friday, 12th July 2019

યુ.કે.માં વસતા ભારતીયોની આવક બ્રિટીશરો કરતાં પણ વધુ ઃ વિદેશોમાંથી આવી વસેલા નાગરિકો પૈકી સૌથી વધુ આવક મેળવતા લોકોમાં ચીન પ્રથમ તથા ભારત બીજા ક્રમેઃ યુ.કે.ના ઓફિસ ફોર નેશનલ સ્ટેટટિકસ (ONS) નો ર૦૧૮ ની સાલનો સર્વે

લંડનઃ યુ.કે.માં વસતા ભારતીયો આર્થિક વળતર મેળવવામાં આગળ હોવાનું જાણવા મળે છે. ર૦૧૮ ની સાલના ' ઓફિસ ફોર નેશનલ સ્ટેટેટિકસ (ONS)  ના આંકડાઓ મુજબ વિદેશથી બ્રિટનમાં આવી વસેલા જુદા જુદા દેશોના જુદા જુદા વર્ણના લોકોને મળતુ આર્થીક વળતર બ્રિટીશરો કરતા ૩.૮ ટકા ઓછું છે. પરંતુ ભારત અને ચીનથી આવેલા લોકો બ્રિટીશરો કરતા પણ વધુ વળતર મેળવતા જોવા મળ્યા છે.

પાકિસ્તાન તથા બાંગ્લાદેશના વતનીઓને અન્ય વિદેશી કોમ્યુનીટીની સરખામણીમાં સૌથી ઓછું વળતર મળે છે.

ચીનથી આવેલા નાગરિકો સૌી વધુ આર્થિક વળતર મેળવી રહ્યા છે. જેઓ ૧ કલાકના ૧પ.૭પ પાઉન્ડની આવક ધરાવે છે. ભારતીયો ૧ કલાકના ૧૩.૪૭ પાઉન્ડની આવક સાથે બીજા ક્રમે છે.

(10:14 pm IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • જસ્ટીસ અકિલ કુરેશી સંદર્ભનો કેસ ૧૫ જુલાઈએ સુપ્રિમ કોર્ટના ચીફ જસ્ટીસ સાંભળશે : જસ્ટીસ અકિલ કુરેશીને મધ્યપ્રદેશ હાઈકોર્ટના ચીફ જસ્ટીસ બનાવવા અંગેની ગુજરાત હાઈકોર્ટ એડવોકેટ એસોસીએશનની અરજીની સુનાવણી ૧૫ જુલાઈએ મુખ્ય ન્યાયાધીશ રંજન ગોગોઈની અધ્યક્ષતાવાળી બેન્ચમાં થશે access_time 1:12 pm IST