Gujarati News

નવી દિલ્હી: પાકિસ્તાન હાઈ કમિશને શુક્રવારે જણાવ્યું હતું કે 6 થી 15 નવેમ્બર દરમિયાન પાકિસ્તાનમાં આયોજિત ગુરુ નાનક જયંતિની ઉજવણીમાં ભાગ લેવા માટે ભારતના શીખ શ્રદ્ધાળુઓને 2,942 વિઝા આપવામાં આવ્યા છે. પાકિસ્તાન હાઈ કમિશને અહીં એક નિવેદનમાં આ માહિતી આપી હતી. ગુરુ નાનક જયંતિ 8 નવેમ્બરે ઉજવવામાં આવશે.

હાઈ કમિશને તેના નિવેદનમાં જણાવ્યું હતું કે ધાર્મિક સ્થળોની મુલાકાત પર 1974ના પાકિસ્તાન-ભારત પ્રોટોકોલના માળખા હેઠળ વિઝા જારી કરવામાં આવ્યા હતા. તે જણાવે છે કે દર વર્ષે ભારતમાંથી મોટી સંખ્યામાં શીખ શ્રદ્ધાળુઓ વિવિધ ધાર્મિક કાર્યક્રમોમાં હાજરી આપવા માટે પાકિસ્તાન જાય છે.

પાકિસ્તાન હાઈ કમિશનના ઈન્ચાર્જ આફતાબ હસન ખાને શ્રદ્ધાળુઓને અભિનંદન પાઠવ્યા હતા અને તેમની યાત્રા સુખરૂપ પૂર્ણ થાય તેવી શુભેચ્છા પાઠવી હતી. નિવેદન અનુસાર, આ યાત્રા દરમિયાન શ્રદ્ધાળુઓ ડેરા સાહિબ, પંજા સાહિબ, નનકાના સાહિબ અને કરતારપુર સાહિબની મુલાકાત લેશે. તેઓ 6 નવેમ્બરે પાકિસ્તાનમાં પ્રવેશ કરશે અને 15 નવેમ્બરે ભારત પરત ફરશે તેવું પી.કે.દ્વારા જાણવા મળે છે.