Gujarati News

Gujarati News

News of Tuesday, 8th June 2021

" મિસ વિસ્કોસીન ટીન યુ.એસ.એ." નો તાજ ઇન્ડિયન અમેરિકન સુંદરી શ્રેયા ગુંડેલીનાં શિરે : વિસ્કોસીનમાં તાજ મેળવનાર સૌપ્રથમ ઇન્ડિયન અમેરિકન યુવતી તરીકેનો વિક્રમ નોંધાયો

વિસ્કોસીન : " મિસ વિસ્કોસીન ટીન યુ.એસ.એ." નો તાજ ઇન્ડિયન અમેરિકન સુંદરી શ્રેયા ગુંડેલીનાં શિરે ગયો છે. આ તાજ મેળવી તેની આંખોમાં હર્ષના આંસુ આવી ગયા હતા.

19 વર્ષીય શ્રેયા ન્યુયોર્ક યુનિવર્સીટીમાં પ્રિ મેડિકલનો અભ્યાસ કરે છે.તે ક્લાસિક ડાન્સર છે.તથા વિસ્કોસીન માં આવો તાજ મેળવનાર  સૌપ્રથમ ઇન્ડિયન અમેરિકન યુવતી છે.

તાજ મેળવ્યા પછી પ્રતિભાવ આપતા શ્રેયાએ કહ્યું હતું કે તે ઇન્ડિયન અમેરિકન હોવાથી તાજ તેને નહીં મળે તેવું અનેક લોકો કહેતા હતા.

આગામી નવેમ્બર માસમાં તુલસા ઓક્લાહોમા  મુકામે મિસ ટીન યુ.એસ.એ. સૌંદર્ય સ્પર્ધા યોજાશે . જેમાં શ્રેયા  વિસ્કોસીનનું પ્રતિનિધિત્વ કરશે.તેવું ઈ.વે.દ્વારા જાણવા મળે છે.

(6:08 pm IST)
  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST