Gujarati News

Gujarati News

News of Tuesday, 8th June 2021

સાઉથ આફ્રિકા : મહાત્મા ગાંધીની પ્રપૌત્રીને 7 સાલની જેલસજા : 62 લાખ રૂપિયાની છેતરપીંડી કર્યાનો આરોપ પુરવાર

ડર્બન : સાઉથ આફ્રિકા સ્થિત મહાત્મા ગાંધીની પ્રપૌત્રી 56 વર્ષીય આશિષ લત્તા રામગોવિન્દને ડર્બન કોર્ટે 7 સાલની જેલસજા ફરમાવી છે. તેના ઉપર 62 લાખ રૂપિયાની છેતરપીંડી કર્યાનો આરોપ હતો.

પોતાને બિઝનેસ  વુમન ગણાવતી  લતાએ સ્થાનિક ઉદ્યોગપતિ સાથે 62 લાખ રૂપિયાની છેતરપિંડી કરી હતી. છેતરપિંડીનો ભોગ બનેલા એસ.આર. મહારાજે જણાવ્યું કે લતાએ નફાની લાલચ આપી તેની પાસેથી પૈસા ઉછીતા લીધા હતા. મહારાજે લતાને માલની આયાત કરવા અને કન્ટેન્ટમેન્ટ છોડાવવા  માટે 60 લાખ રૂપિયા ઉછીતા આપ્યા હતા,  લતાએ વચન આપ્યું હતું કે તે તેના નફામાંનો અમુક ભાગ એસઆર મહારાજને આપશે .પરંતુ આવો કોઈ માલ આવ્યો નહોતો .  તેથી મહારાજે ફરિયાદ નોંધાવતા ઉપરોક્ત સજા ફરમાવાઈ હતી.તેવું એચ.ટી.દ્વારા જાણવા મળે છે.

(1:46 pm IST)
  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST