Gujarati News

Gujarati News

News of Monday, 11th June 2018

પાકિસ્તાનમાં શીખ ધર્મગુરૂ ચરણજીત સિંહની હત્યા મામલે ભભૂકી ઉઠેલો રોષ : સરકાર વિરૂદ્ધ આંદોલનના મંડાણ

ઇસ્લામાબાદ: પાકિસ્તાનના ખૈબર પખ્તૂનવા પ્રાંતમાં ૨૯ મે ૨૦૧૮ના રોજ શીખ ધર્મગુરૂ ચરણજીત સિંહની હત્યા વિરૂદ્ધ શીખ પ્રજામાં રોષ ભભૂકી ઉઠતા સરકાર વિરોધી દેખાવો ચાલુ થઇ ગયા છે.

શીખ સમૂહના જણાવ્યાં મુજબ મૃતક માનવ અધિકાર કાર્યકર્ર્તા હતા તથા લઘુમતિ કોમના પ્રશ્નોને વાચા આપવા કાર્યરત હતાં. તેમની હત્યામાં ખુફિયા એજન્સીનો હાથ છે. આ અગાઉ પણ લઘુમતિ કોમના લોકોની હત્યા કરનારા આરોપીઓની હજુ સુધી ધરપકડ થઇ નથી.

હાલમાં થયેલી હત્યા અંગે શીખ સમૂહના જણાવ્યાં મુજબ લઘુમતિ કોમના આગેવાનો આગામી ચૂંટણીમાં સરકારને નડતરરૂપ થશે તેવું લાગતા હત્યાઓ થઇ રહી છે. સરકારે શીખ, હિન્દુ, ખ્રિસ્તી, સહિત તમામ લઘુમતિ કોમના નાગરિકોની રક્ષા કરવી જોઇએ. (૪૬.૪)

(1:03 pm IST)
  • અમેરિકાના કોલારાડોના જંગલમાં લાગેલી ભીષણ આગે વિકરાળ સ્વરૂપ ધારણ કરી લીધુ છે. કોલારાડોમાં શનિવારથી રવિવાર સુધીમાં હજારો લોકોનું સ્થળાંતર કરાવવામાં આવ્યું છે. ત્યારે રવિવારે આ આગ અંદાજે 17,000 એકરમાં ફેલાઇ ગઇ હતી. આગને પગલે 675 જેટલાં મકાનો ખાલી કરાવી દેવામાં આવ્યા હતા. તેમજ 2000 લોકોનું સ્થળાંતર કરવામાં આવ્યુ છે. તેમજ ફોન અને મેસેજ દ્વારા સ્થળાંતરણના આદેશ અપાયા છે. access_time 7:10 pm IST

  • આખરે કોંગ્રેસની ઈફ્તાર પાર્ટીમાં પ્રણવ મુખરજીને આમંત્રિત કરાયા : અગાઉ કોંગ્રેસે સંઘના મુખ્યાલયમાં જનાર પ્રણવદા અને પૂર્વ ઉપરાષ્ટ્રપતિ હામિદ અંસારીને ઈફ્તાર પાર્ટીમાં નહિ બોલાવવા નિર્ણય કર્યો હતો : કોંગ્રેસનું પ્રોટોકોલનું બહાનું પ્રણવ મુખરજીના કાર્યાલયે ફગાવ્યું, કહ્યું કે પ્રણવ મુખરજીના કદને હળવાશથી લેવા નિર્ણય કરાયો હતો. access_time 1:38 am IST

  • માનહાની કેસમાં આજે ભિવંડી પહોંચશે રાહુલ ગાંધી :સંઘ વિરુદ્ધ નિવેદન મામલે રાહુલ વિરુદ્ધ માનહાનિનો કેસ કરાયો છે :ભીવંડીની મેજિસ્ટ્રેટ કોર્ટમાં રાહુલ રહેશે હાજર. access_time 1:38 am IST