Gujarati News

Gujarati News

News of Saturday, 9th June 2018

અમેરિકાના વહીવટી તંત્ર દ્વારા ઇમીગ્રન્ટસ વિરૂધ્ધ ફેલાવાતી નફરત સામે અવાજ ઉઠાવોઃ DACA તથા TPSમાં ફેરફારો કરી ઇમીગ્રેન્ટસની હકાલપટ્ટી કરવાની સરકારની મુરાદ સામે સંગઠિત તઇ લડત આપોઃ ભારતીય મૂળના સૌપ્રથમ મહિલા સેનેટર સુશ્રી કમલા હેરિસનું કોમ્યુનીટી અગ્રણીઓને એલાન

વોશીંગ્ટનઃ અમેરિકાના સૌપ્રથમ ભારતીય મૂળના મહિલા સેનેટર સુશ્રી કમલા હેરિસએ તાજેતરમાં ૨૦૦ જેટલા ઇન્ડિયન અમેરિકન રાજકિય ઉમેદવારો, ચૂંટાયેલા અધિકારીઓ, ડોનર્સ, કોમ્યુનીટી લીડર્સ સહિતના અગ્રણીઓને સંગઠિત થઇ સરકાર સામે લડત આપવાનું એલાન કર્યુ છે.

તેમણે જણાવ્યું હતું કે અમેરિકા ઇમીગ્રન્ટસનો દેશ છે. જે માત્ર અમેરિકન પ્રજાનો છે તેવી વિચારધારાના કેલાવા થકી ઇમીગ્રન્ટસ સાથે આચરાતા હેટક્રાઇમ્સ, તથા તેમને કરાતા અન્યાય વિરૂધ્ધ સહુએ એક થઇ અવાજ ઉઠાવવાનો સમય પાકી ગયો છે તથા સત્ય બોલી નફરત તથા ધર્માધતા સામે અવાજ ઉઠાવવાનો સમય પાકી ગયો છે.

તેમણે ઉમેર્યુ હતુ કે વહીવંટી તંત્ર દ્વારા DACA તથા TPS માં ફેરફારો કરી ઇમીગ્રન્ટસની હકાલપટ્ટી કરવાની શરૂ કરાયેલી વેતરણ વિરૂધ્ધ આંદોલન કરવું જરૂરી છે. આ દેશ શરૂઆતથી જ ઇમીગ્રેન્ટસ દ્વારા વસાવાયો છે જેમણે અમેરિકાના અર્થતંત્રના વિકાસમાં જબ્અર યોગદાન આપ્યું છે તેથી ઇન્ડિયન અમરિકન અગ્રણીઓએ રાજકિય ક્ષેત્રે નેતૃત્વ વધારવા સંગઠિથ થવું જરૂરી છે. તો જ ઇમીગ્રન્ટસના હકકોનું રક્ષણ થઇ શકશે.

(9:32 pm IST)