Gujarati News

કેલિફોર્નિયાઃ અમેરિકન શીખ કાઉન્સીલના વોલન્ટીઅર્સે ૨૦ ઓકટો.૨૦૧૮ના રોજ કેલિફોર્નિયાના કેલેક્ષિકો ડીટેન્શન સેન્ટરની મુલાકાત લીધી હતી. અમેરિકા આવતા ગેરકાયદે વિદેશી નાગરિકો માટેના આ આશ્રય ગૃહમાં ૬૦૦ જેટલા લોકોને રોકી પાડવામાં આવ્યા છે. જે પૈકી ૩૦૦ જેટલા ભારતના પંજાબના વતની છે. જેમાં ૯૯ ટકા શીખો છે.

આ તમામ નિરાશ્રિતોની મુલાકાત ઉપરોકત શીખ વોલન્ટીઅર્સ ભાઇ બહેનોએ લીધી હતી. તથા તેમને જીવન જરૂરી વસ્તુઓ તથા ખોરાકની વ્યવસ્થા કરી આપી હતી. તેમની સાથે કિર્તન સહિત ધાર્મિક કાર્યક્રમો પણ યોજયા હતા. તેઓને વતનમાં વાત કરવાની સગવડ પણ કરી આપી હતી.

આ વોલન્ટીઅર્સ ટીમમાં શ્રી એસ.બલમિતસિંઘ, શ્રી એસ.સિવરનસિંઘ સહિતનાઓ શામેલ થયા હતા.