Gujarati News

વોશિંગટન : અમેરિકાના અગ્રણી રિપબ્લિકન સેનેટર માઈક લી એ જણાવ્યું હતું કે ઇમિગ્રન્ટ્સ માટે દેશનું નાગરિકત્વ મેળવવા માટે રાખવામાં આવેલી દેશદીઠ મર્યાદા ભારતથી આવતા ઈમિગ્રન્ટ્સને શિક્ષા સમાન છે.
તેમણે જણાવ્યું હતું કે 200 વર્ષ સુધીનું લાબું વેઇટિંગ લિસ્ટ ભારતના વતનીઓને નાગરિકત્વ અપાવવા માટે અસમર્થ છે.
આથી તેઓએ જુના બંધારણમાં સુધારો કરવાની હિમાયત કરી હતી.અને દેશદીઠને બદલે વહેલા તે પહેલા ધોરણે ગ્રીન કાર્ડ આપવા સૂચન કર્યું હતું.
ઉલ્લેખનીય છે કે હાલમાં ગ્રીન કાર્ડ આપવા માટે અમેરિકાએ દેશ દીઠ 7 ટકાની મર્યાદા રાખી છે.આ ગ્રીન કાર્ડ મેળવનાર વ્યક્તિ અમેરિકાની વતની ગણાતી હોવાથી તેને અમેરિકન નાગરિકને મળતા તમામ અધિકારો મળે છે.