Gujarati News

Gujarati News

News of Friday, 10th August 2018

મૂળ જામનગર જિલ્લાના જામજોધપુરના માંડાસણ ગામનો ક્રિશ ભંડારી સોશ્યલ મીડિયામાં છવાયોઃ કેનેડા વિશે કાઠિયાવાડી લહેકાથી લાઇફસ્ટાઇલ રજૂ કરી

સુરતઃ છેલ્લા થોડા દિવસથી કેનેડા ગયેલા ગુજરાતી યુવક ક્રિશ ભંડારીનો વીડિયો ભારે વાયરલ થયો છે. ત્યારે લોકોને તે જાણવાની ઇચ્છા થઈ રહી છે કે, ક્રિશ છે કોણ? અદ્દલ કાઠિયાવાડી લહેકામાં અહીંની લાઇફસ્ટાઇલ અંગે જણાવતા ક્રિશનો વીડિયો હાલ સોશિયલ મીડિયામાં ટ્રેન્ડ કરી રહ્યો છે, ત્યારે આવો જાણીએ ક્રિશ ભંડેરી વિશે.

વીડિયો કેનેડામાં બિઝનેસ મેનેજમેન્ટનો કોર્સ કરવા ગયેલા ક્રિશ ભંડેરીનો છે. તે હજુ દસ દિવસ પહેલાં કનેડા ગયો હતો. મૂળ જામનગરના જામજોધપુરના માંડાસણ ગામના ક્રિશે રમત-રમતમાં બનાવેલો વીડિયો લોકો પસંદ કરવા લાગ્યા છે.

એબીપી અસ્મિતા સાથેની વાતચીતમાં તેણે જણાવ્યું કે, અમારી ગ્રોસરી પતી જતાં મિત્રો સાથે લેવા ગયા હતા. કેનેડામાં અડધા કલાકે એક બસ આવે છે. પરંતુ અમે ચાલીને જઈએ તો 15-20 મિનિટમાં ઘરે પહોંચી જવાય. આથી અમે ચાલીને જવાનું નક્કી કર્યું હતું.

ખભે લોટની થેલી ઊંચકીને જઈ રહ્યા હતા, ત્યારે વીડિયો બનાવવાનો વિચાર આવ્યો અને મિત્રને કહ્યું કે, મોબાઇલ બહાર કાઢ અને વીડિયો બનાવ. બસ વીડિયો મિત્રો પાસેથી વોટ્સએપમાં ફરતો થયો અને વાયરલ થઇ ગયો.

ક્રિશનો પરિવાર છેલ્લાં પાંચ- વર્ષથી સુરતમાં રહે છે અને તે કેનેડા અભ્યાસ માટે ગયો છે. કેનેડા જવાનું હતું તેના એક મહિના પહેલા ક્રિશે ઘરે રસોઇ મમ્મી પાસે શિખવાની શરૂઆત કરી દીધી હતી. જેથી ત્યાં જઈને કોઈ તકલીફ પડે.

(5:39 pm IST)
  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST

  • રેલરાજ્યમંત્રી રાજેન ગોહેન વિરુદ્ધ યુવતી પર બળત્કાર અને ધમકાવાના મામલે ગુન્હો નોંધાયો ; આસામ પોલીસે નગાવ જિલ્લામાં 24 વર્ષની મહિલા પર દુષકર્મ અને તેને ધમકાવવા મામલે ફરિયાદ નોંધી છે access_time 1:14 am IST

  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST