Gujarati News

કેલિફોર્નિયાઃ ભારતના કાશ્મીરમાં બનેલા કઠુઆ કાંડના પડઘા અમેરિકામાં પણ પડયા છે. જયાં કેલિફોનિયા યુનિવર્સિટીના ડેવિસ શીખ કલ્ચરલ એશોશિએશનએ ૨૪ એપ્રિલ ૨૦૧૮ના રોજ મીણબત્તી સરઘસ દ્વારા દેખાવો કરી ૮ વર્ષની માસૂમ બાળકી આસિફા બાનો ઉપર ગેંગ રેપ કરી ગળેટુંપો દઇ મારી નાખવવાના હિંસાત્મક બનાવો સામે વિરોધ વ્યકત કર્યો હતો.

તેમજ ૨૯ એપ્રિલ ૨૦૧૮ના રોજ સાન જોસ કેલિફોર્નિયા સ્થિત ઇન્ડિયન અમેરિકન મુસ્લિમ કાઉન્સીલએ ભારતમાં બાળકો તથા મહિલાઓ ઉપર વધી રહેલા હિંસાત્મક બનાવો સામે વિરોધ વ્યકત કર્યો હતો.

ઉપરાંત સાન ડીએગો, ફલોરિડા, વોશીંગ્ટન, ન્યુયોર્ક ન્યુજર્સી, મેરીલેન્ડ, બોસ્ટન સહિતના જુદા જુદા સ્થળોએ પણ વિરોધ વ્યકત કરતા સરઘસ નીકળ્યા હતા.