Gujarati News

Gujarati News

News of Wednesday, 6th November 2019

૨૦૧૯ની સાલ માટે મંજુર કરાયેલા H-1B વીઝામાં અમેરિકાની સ્થાનિક કંપનીઓનો વધુ હિસ્સોઃ સૌથી વધુ વીઝાધારકો મેળવનાર ટોપ ટેન કંપનીઓમાં ૭ અમેરિકન કંપનીઃ પ્રેસિડન્ટ ટ્રમ્પની સ્થાનિક કંપનીઓ માટેની અમેરિકન તરફદારી જવાબદાર હોવાનું તારણ

વોશીંગ્ટનઃ અમેરિકામાં ૨૦૧૯ની સાલ માટે મંજુર કરાયેલા H-1B વીઝા પૈકી ભારત કરતા સ્થાનિક અમેરિકાની કંપનીઓને વધુ વીઝાધારકો આપવામાં આવ્યા હોવાનું સમાચાર સૂત્રો દ્વારા જાણવા મળે છે. જે મુજબ સૌથી વધુ વીઝા ધારકો મેળવનાર ૧૦ કંપનીઓમાં ૭ અમેરિકાની કંપનીઓ છે.

આ કંપનીઓમાં ગૂગલ,એમેઝોન,એપલ, તથા ફેસબુક સહિતની કંપનીઓનો સમાવેશ થાય છે. જે માટે પ્રેસિડન્ટ ટ્રમ્પની અમેરિકાની કંપનીઓ પ્રત્યેની તરફદારી જવાબદાર હોવાનો સર્વે જણાયો છે પ્રથમ ૧૦ કંપનીઓમાં ભારતની ટાટા કન્સલટન્સી સર્વિસી તથા ટેક મહિન્દ્રાનો સમાવેશ  થાય છે.

કુલ મંજુર કરાયેલા ૮૮૩૨૪ H-1B વીઝા પૈકી ૧૨ ટકા હિસ્સો ધરાવનાર ટોપ ટેન કંપનીઓમાં ગૂગલ,એમેઝોન,ટીસીએસ, ફેસબુક,એપલ,કોગ્નીઝન્ટ,માઇક્રોસોફટ,IBM, ટેક મહિન્દ્રા તથા કેપજેમિનીનો સમાવેશ થાય છે. તેવું USCIS ડેટા દ્વારા જાણવા મળે છે.

ઉલ્લેખનીય છે કે દર વર્ષે મંજુર કરાતા ૮૫ હજાર જેટલા H-1B વીઝામાં ભારતીયોનું પ્રમાણ ૭૦ ટકા  જેટલું હોય છે. તેમજ ટેકનોલોજી કંપનીઓને ફાળવાતા વીઝાનું પ્રમાણ પણ અન્ય કંપનીઓ કરતાં વધુ હોય છે.

(8:00 pm IST)
  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST