Gujarati News

Gujarati News

News of Tuesday, 6th November 2018

યુ.એસ.ના ઇલિનોઇસમાં મલ્ટી એથનિક એડવાઇઝરી ટાસ્ક ફોર્સના ઉપક્રમે કોંગ્રેશ્નલ એવોર્ડ પ્રોગ્રામ યોજાયોઃ રાજકિય પ્રતિનિધિઓ, કોમ્યુનીટી લીડર્સ શિક્ષણશાસ્ત્રીઓ, તથા વ્યાવસાયિક અગ્રણીઓ ઉપરાંત શિકાગો ખાતેના જુદા જુદા ૬ દેશોના કોન્સ્યુલ જનરલએ હાજરી આપીઃ ૨૪ જેટલી વંશીય કોમ્યુનીટીમાંથી પસંદ કરાયેલા મહાનુભાવોને ''ઇન્ટરનેશનલ રાઇઝીંગ સ્ટાર'' એવોર્ડથી નવાજવામાં આવ્યા

ઇલિનોઇસઃ  તાજેતરમાં  યુ.એસ.માં મલ્ટી એથનિક એડવાઇઝરી ટાસ્ક ફોર્સના  ઉપક્રમે ર૮ ઓકટો રં૦૧૮ ના રોજ  ૮મો વાર્ષિક  કોંગ્રેશ્નલ  એવોર્ડસ્ ગાલા પ્રોગ્રામ યોજાઇ ગયો. યુ.એસ. કોંગ્રેસમેન ડેન્જા કે  ડેવિસના ૭માં કોંગ્રેશ્નલ  ડીસ્ટ્રીકટ ઇલિનોઇસના મલ્ટી એથનિક એડવાઇઝરી ટાસ્ક ફોર્સના યજમાનપદે મિડોસ કલબ, રોલિંગ મિડોસ ઇલિનોઇસ મુકામે યોજાયેલા પ્રોગ્રામમાં ચૂંટાઇ આવેલા પ્રતિનિધિઓ, કોમ્યુનીટી લીડર્સ, શિક્ષણશાસ્ત્રીઓ, હોસ્પિટલોના CEO , પ્રોફેશ્નલ્સ  બિઝનેસમેન, તથા બિઝનેસ વુમન સહિતના ર૪ જુદી જુદી વંશીય કોમ્યુનીટીના લોકો સહિત ૪રપ  અગ્રણી પ્રજાજનો હાજર રહ્યા હતા.

ડો. વિજય પ્રભાકર સ્થાપિત આ ટાસ્ક ફોર્સ કોંગ્રેસમેન ડેન્જા કે  ડેવિસના શુભાષિશ સાથે છેલ્લા ૮ વર્ષથી  કાર્યરત છે જે અંતગર્ત આ વર્ષે યોજાયેલા પ્રોગ્રામમાં શિકાગોના ૬ શહેરોમાં વસતા જુદા જુદા દેશોના કોન્સ્યુલ જનરલ હાજર રહ્યા હતા. જેમાં ભારત, જાપાન, તુર્કી, ચાઇના, ઇન્ડોનેશિયા, તથા યુક્રેનના કોન્સ્યુલ જનરલનો સમાવેશ થતો હતો. તેમજ જુદા જુદા આ દેશોના સાંસ્કૃતિક કાર્યક્રમો આ તકે રજુ કરાયા હતા. આ તકે ઇલિનોઇસના ૮માં કોંગ્રેશ્નલ ડીસ્ટ્રીકટના પ્રતિનિધિ શ્રી રાજા ક્રિશ્નાયુર્થએ પણ ખાસ હાજરી આપી હતી. તેમજ ભારતના તામિલનાડુના ભાજપના સહુ પ્રથમ મહિલા પ્રેસિડેન્ટ ડો. તામિલીસાઇ સુંદરરાજનએ પણ હાજરી આપી હતી. જેઓને '' ઇન્ટરનેશનલ રાઇઝીંગ સ્ટાર '' એવોર્ડથી નવાજવામાં આવ્યા હતા.

આ ઉપરાંત આ એવોર્ડથી સન્માનિત કરાયેલા મહાનુભાવોમાં  કેનેડી ફેમિલી ડો. વસીઉલ્લદ ખાન, બીમ તાંગકર, શ્રી લોભ અગરવાલ, શ્રી સુનિલ શાહ, સુશ્રી હેમા શાસ્ત્રી ડો. ઝીંગયુ વાંગ શ્રી શિાલ છાબરીયા, શ્રી જયંત મુખરજી, શ્રી મેટિન સર્બેસ્ટ, ડો. શ્રીનિવાસ રેડ્ડી સહિતનાઓનો સમાવેશ થતો હતો. શિકાગોના સુપ્રસિદ્ધ સિંગર મહિલા સુશ્રી પદમા મહેતાના વરદહસ્તે શ્રી ડેકસટર ડેલને મ્યુઝીક મોઘલ એવોર્ડ એનાયત કરાયો હતો. તેવું શ્રી સુરેશ બોડીવાલા તથા સુશ્રી ઉષા બોડીવાલાની યાદી દ્વારા જાણવા મળે છે.

 

(10:29 pm IST)
  • ભાઈબીજે પેટ્રોલ ડીઝલના ભાવમાં થશે ઘટાડો :પેટ્રોલમાં 15 પૈસાનો લિટરે કરાશે ઘટાડો :ડીઝલ પણ 15 પૈસા થશે સસ્તું ;છેલ્લા કેટલાય દિવસોથી ઇંધણના ભાવમાં ઘટાડો થતો લોકોને રાહત :વૈશ્વિક બજારમાં ક્રૂડના ઘટતા ભાવનો ગ્રાહકને મળતો ફાયદો access_time 10:56 pm IST

  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST

  • આગ્રા-લખનઉ એક્સપ્રેસ હાઇ-વે પર ભીષણ અકસ્માત સર્જાયો છે. અહીં એક મુસાફરોની બસ પલટી ખાવાના પગલે લગભગ 45 જેટલા લોકો ઇજાગ્રસ્ત થયા હતા. જેમાં 20 મુસાફરોની હાલત ગંભીર બતાવવામાં આવી રહી છે. આ અકસ્માતના પગલે ગંભીર રીતે ઇજાગ્રસ્ત લોકોને કાનપુર ખસેડવામાં આવ્યા છે, જ્યારે અન્ય ઇજાગ્રસ્તોને તિર્વા મૅડિકલ કૉલેજમાં દાખલ કરવામાં આવ્યા છે. આ અંગે મળતી માહિતી મુજબ, મુસાફરોછી ભરેલી બસ દિલ્હી થી બિહાર તરફ જઇ રહી હતી. આ દરમિયાન કોતવાલી વિસ્તારમાં આગ્રા-લખનઉ એક્સપ્રેસ હાઇ-વે પર અકસ્માત સર્જાયો હતો. આ અકસ્માત સર્જાયા બાદ સ્થાનિકોએ તેની જાણ પોલીસને કરી હતી. access_time 11:50 am IST