Gujarati News

Gujarati News

News of Monday, 5th November 2018

અમેરિકામાં વર્તાઇ રહેલી તબીબોની તંગી નિવારવા માટેનું ઐતિહાસિક પગલુઃ ભારતીય તબીબો માટે H-1B વીઝા પ્રક્રિયા ઝડપી બનાવવા તથા વહેલી તકે નાગરિકત્વ આપી દેવા હિમાયત કરતું બિલ સેનેટમાં રજુ કરાયું: AAPI દ્વારા સેનેટર રોજર વિકર સમક્ષ કરાયેલી રજુઆતનો સાનુકૂળ પડઘો

વોશીંગ્ટનઃ યુ.એસ.માં મિસ્સીસિપ્પી (R) સેનેટર રોજર વિકરએ અન્ય ડઝન ઉપરાંત સેનેટરોના સમર્થન સાથે સેનેટમાં 5.281 બિલ રજુ કર્યુ છે. જેમાં ભારતીય તબીબો માટેની H-1B વીઝા પ્રક્રિયા ઝડપી બનાવવા તથા વર્ષોથી ગ્રીન કાર્ડની રાહ જોઇ રહેલા ભારતીય મૂળના તબીબોને વહેલી તકે નાગરિકત્વ આપવા રજુઆત કરાઇ છે.

અમેરિકાના સૌથી મોટા ગણાતા તથા ૧ લાખની મેમ્બરશીપ ધરાવતા ''અમેરિકન એશોશિએશન ઓફ ફીઝીશીઅન્શ ઓફ ઇન્ડિયન ઓરીજીન (AAPI) ના કો-ચેર ડો.સંપટ શિવાંગીએ જણાવ્યા મુજબ AAPI આગેવાનો આ પ્રસ્તાવ લાવવા માટે સેનેટર રોજર વિકરને એપ્રિલ ૨૦૧૮માં મળ્યા હતા. તથા યુ.એસ.માં વરતાઇ રહેલી તબીબોની તંગી નિવારવા ભારતીય તબીબો માટે ઉપરોકત સુવિધા વધારવા જણાવ્યું હતું.

તેમણે ઉમેર્યુ હતું કે યુ.એસ.માં માત્ર ૧ ટકા જેટલી વસતિ ધરાવતા ભારતીયો હેલ્થકેર સહિત તમામ ક્ષેત્રે સમાજ માટે યોગદાન આપવામાં અવ્વલ નંબરે છે. ખાસ કરીને હેલ્થકેર ક્ષેત્રે દર સાત તબીબો માંહેનો એક તબીબ ભારતીય મૂળનો છે. આ ભારતીય મૂળના તબીબો યુ.એસ.ના ૪૦ મિલીઅન જેટલા લોકોને આરોગ્ય સુવિધાઓ પૂરી પાડે છે.

અમેરિકાની વધતી જતી વસતિને ધ્યાને લેતા ૨૦૨૦ની સાલ સુધીમાં ૯૦ હજાર તબીબોની તથા ૨૦૨૫ની સાલ સુધીમાં ૧ લાખ ૩૦ હજાર તબીબોની ઘટ વર્તાશે. આથી દેશનું આરોગ્ય સ્તર જાળવી રાખવા માટે આ ભારતીય મૂળના તબીબો માટે વીઝા નિયમો તથા ગ્રીન કાર્ડ પોલીસીમાં સુધારા કરવા જરૂરી છે.

AAPI દ્વારા કરાયેલી ઉપરોકત રજુઆતના સાનુકૂળ પડઘા પડ્યા છે. તેથી બિલ સેનેટમાં રજુ થયું છે. જે સર્વાનુમતે પસાર થાય તેવી આશા રાખવામાં આવે છે.

(UNN માંથી સાભાર)

(8:34 pm IST)
  • પાસપોર્ટમાં પિતાના નામ મુદ્દે HCનો નિર્ણય: પાસપોર્ટમાં લખી શકાશે સાવકા પિતાનું નામ: પંજાબ-હરિયાણા HCની ડબલ બેન્ચનો નિર્ણય: સિંગલ બેન્ચના નિર્ણયને પલટ્યો હાઈકોર્ટે access_time 10:13 pm IST

  • ભાવનગરમાં નૂતનવર્ષે જ ખેલાયો લોહીયાળ ખેલ:ગોપાલ ધર્મેશભાઈ ડાભીની હત્યા :એમ,કે,જમોડ હાઇસ્કુલ પાનવાડી પાસે એક પાનની દુકાને ઉભેલા યુવાન પર ચાર શખ્સો ઘાતક હથિયારો વડે તૂટી પડયા:જૂની અદાવતમાં હુમલો થયાનું તારણ :ઇજાગ્રસ્ત યુવાનને અત્યંત નાજુક હાલતમાં સર.ટી. હોસ્પિટલમાં ખસેડાયો :આરોપીમાં રીપલ।મોરભાઈ,ઇકબાલ અને બેલીમના નામ ખુલ્યા :હોસ્પિટલમાં લોકો ના ટોળે ટોળા ઉમટી પડયા: access_time 12:54 am IST

  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST