News of Saturday, 9th June 2018

અમેરિકામાં ભારતની સંસ્કૃતિનું ગૌરવ વધારતો ઇન્ડિયન અમેરિકન યુવાન કેલ પટેલ : પરિવારની માલિકીના સ્ટોરમાં આવેલ ગ્રાહક ૧ મિલીયન ડોલર (અંદાજે ૬ કરોડ ૬૦ લાખ રૂપિયા) ની લોટરીની ટિકિટ ભૂલી જતા તેના ઘેર પહોંચાડી

કન્સાસ : અમેરિકાના કન્સાસમાં પરિવારની માલિકીનો સ્ટોર ચલાવતા ઇન્ડિયન અમેરિકન યુવાન કેલ પટેલએ પોતાના ગ્રાહકને ૧ મિલીયન ડોલરની લોટરી ટિકિટ કે જે કાઉન્ટર ઉપર ભૂલાઇ ગયેલી મળી આવી હતી તે તેના નિવાસસ્થાને જઇ પહોંચાડી દઇ ભારતીય સંસ્કૃતિનું ગૌરવ વધાર્યુ છે. તેવું સમાચાર સૂત્રો દ્વારા જાણવા મળે છે.

૩ ટિકિટો લઇ ડ્રો જોવા માટે આવેલા ગ્રાહકને ૨ ટિકિટમાં ઇનામ નહીં લાગતા ત્રીજી ટિકિટ કાઉન્ટર ઉપર ભૂલી જઇ તેઓ રવાના થઇ ગયા હતા. જે કેલ પટેલના ધ્યાનમાં આવતા તેણે જોયું કે આ ત્રીજી ટિકિટમાં  ૧ મિલીયન ડોલરનું ઇનામ લાગ્યું છે. તેથી તે ગ્રાહકને ઓળખતા હોવાથી તેના નિવાસસ્થાને ગયા હતાં. તથા લોટરી સુપ્રત કરી પ્રમાણિકતાનું ઉદાહરણ પુરૂ પાડયું હતું.

ગ્રાહકે તેની ઇમાનદારીની કદર કરી હતી. તથા તેનો ખૂબ ખૂબ આભાર માની ૧૨૦૦ ડોલરનો ચેક ઇનામ આપ્યો હતો.

(12:42 pm IST)
  • સીરિયાના બળવાખોર કબ્જાગ્રસ્ત ઇદ્લીબ પ્રાંતના એક ગામ પર રશિયાએ ફરી કર્યા ઘાતક હવાઈ હુમલાઓ : ૬ બાળકો સહિત લગભગ ૪૪ લોકોના મોત થયાનું બહાર આવ્યું : જોકે રશિયાએ આ વાતનો રદિયો આપતાં કહ્યું છે કે તેમણે આ હુમલાઓ નથી કર્યા access_time 12:37 pm IST

  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST