Gujarati News

Gujarati News

News of Saturday, 9th June 2018

અમેરિકામાં ભારતની સંસ્કૃતિનું ગૌરવ વધારતો ઇન્ડિયન અમેરિકન યુવાન કેલ પટેલ : પરિવારની માલિકીના સ્ટોરમાં આવેલ ગ્રાહક ૧ મિલીયન ડોલર (અંદાજે ૬ કરોડ ૬૦ લાખ રૂપિયા) ની લોટરીની ટિકિટ ભૂલી જતા તેના ઘેર પહોંચાડી

કન્સાસ : અમેરિકાના કન્સાસમાં પરિવારની માલિકીનો સ્ટોર ચલાવતા ઇન્ડિયન અમેરિકન યુવાન કેલ પટેલએ પોતાના ગ્રાહકને ૧ મિલીયન ડોલરની લોટરી ટિકિટ કે જે કાઉન્ટર ઉપર ભૂલાઇ ગયેલી મળી આવી હતી તે તેના નિવાસસ્થાને જઇ પહોંચાડી દઇ ભારતીય સંસ્કૃતિનું ગૌરવ વધાર્યુ છે. તેવું સમાચાર સૂત્રો દ્વારા જાણવા મળે છે.

૩ ટિકિટો લઇ ડ્રો જોવા માટે આવેલા ગ્રાહકને ૨ ટિકિટમાં ઇનામ નહીં લાગતા ત્રીજી ટિકિટ કાઉન્ટર ઉપર ભૂલી જઇ તેઓ રવાના થઇ ગયા હતા. જે કેલ પટેલના ધ્યાનમાં આવતા તેણે જોયું કે આ ત્રીજી ટિકિટમાં  ૧ મિલીયન ડોલરનું ઇનામ લાગ્યું છે. તેથી તે ગ્રાહકને ઓળખતા હોવાથી તેના નિવાસસ્થાને ગયા હતાં. તથા લોટરી સુપ્રત કરી પ્રમાણિકતાનું ઉદાહરણ પુરૂ પાડયું હતું.

ગ્રાહકે તેની ઇમાનદારીની કદર કરી હતી. તથા તેનો ખૂબ ખૂબ આભાર માની ૧૨૦૦ ડોલરનો ચેક ઇનામ આપ્યો હતો.

(12:42 pm IST)
  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST