Gujarati News

Gujarati News

News of Friday, 9th March 2018

યુ.એસ.માં ટેકસાસના ૨૨મા ડીસ્‍ટ્રીકટમાંથી કોંગ્રેસમેન તરીકે ચૂંટાઇ આવવા શ્રી કુલકર્ણી માટે માર્ગ મોકળોઃ ૬ માર્ચના રોજ યોજાયેલ પ્રાઇમરી ચૂંટણીમાં સૌથી વધુ ૩૧.૮ ટકા મતો મેળવ્‍યાઃ હવે ૨૨મેના રોજ અન્‍ય ડેમોક્રેટ પ્રતિસ્‍પર્ધી સાથે ટક્કર

ટેકસાસઃ યુ.એસ.ના ટેકસાસ સ્‍ટેટમાંથી કોંગ્રેસમેન તરીકે ઉમેદવારી નોંધાવનાર ઇન્‍ડિયન અમેરિકન પૈકી એક માત્ર શ્રી કુલકર્ણીએ ૬ માર્ચ ૨૦૧૮ના રોજ યોજાયેલી પ્રાઇમરી ચૂંટણીમાં સ્‍થાન મેળવ્‍યું છે જેઓ ૨૨મે ૨૦૧૮ના રોજ યોજાનારી પ્રાઇમરીમાં તેમના પ્રતિસ્‍પર્ધી ડેમોક્રેટ સાથે સ્‍પર્ધા કરશે.

શ્રી કુલકર્ણીને ટેકસાસના રરમા ડીસ્‍ટ્રીકટમાંથી ૩૧.૮ ટકા મતો મળ્‍યા હતા. જયારે તેમના બીજા ક્રમના પ્રતિસ્‍પર્ધીને ૨૪.૩ ટકા મતો મળતા હવે બંને વચ્‍ચે ૨૨મેના રોજ સ્‍પર્ધા થશે.

જયારે ટેકસાસના જુદા જુદા ડીસ્‍ટ્રીકટમાંથી કોંગ્રેસમાં ઉમેદવારી નોંધાવનાર ઇન્‍ડિયન અમેરિકન પ્રાઇમરી ચૂંટણીમાં વિજેતા થઇ શકયા નથી. જેમાં ૧લા ડીસ્‍ટ્રીકટમાંથી રિપબ્‍લીકન તરીકે ઉમેદવારી નોંધાવનાર શ્રી રોશિન રોવજી, બીજા ડીસ્‍ટ્રીકટમાં ડેમોક્રેટ તરીકે ઉમેદવારી નોંધાવનાર શ્રી સિલ્‍કી મલિક, ૨૫મા ડીસ્‍ટ્રીકટમાંથી શ્રી ચેતન પાંડા, ૨૯મા ડીસ્‍ટ્રીકટમાંથી શ્રી તાહિટ જાવેદનો સમાવેશ  થાય છે.

(9:51 pm IST)
  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST