Gujarati News

Gujarati News

News of Tuesday, 6th March 2018

કેનેડામાં આવવા ઇચ્‍છતા પ્રવાસીઓને સહાયરૂપ થવા માટે કેનેડાની સરકારે વિશ્વભરના દેશોમાં વીઝા એપ્‍લીકેશન સેન્‍ટરો શરૂ કરવાની કરેલી જાહેરાતઃ હાલમા ૯૫ જેટલા દેશોમાં ૧૩૭ જેટલા સેન્‍ટરો કાર્ય કરે છે પરંતુ આગામી બે વર્ષના સમયગાળા દરમ્‍યાન આ સેન્‍ટરોનું વિસ્‍તૃતિકરણ થતાં તેનો લાભ ૯૯ જેટલા દેશોને પ્રાપ્ત થશે અને ૧૪૯ જેટલા વીઝા એપ્‍લીકેશન સેન્‍ટરો કામ કરતા થઇ જશે

 (સુરેશ શાહ દ્વારા) બાર્ટલેટ (શિકાગો) કેનેડા આવતા પ્રવાસીઓને જરૂરી સહાયરૂપ થવા માટે કેનેડાની સરકારે એક જરૂરી કોન્‍ટ્રાકટ કરીને વિશ્વના દેશોમાં વીઝા એપ્‍લીકેશન સેન્‍ટરો શરૂ કરવાનો નિર્ણય કરેલ છે અને તે આધારે ૨૦૦૦ના વર્ષથી આ સેન્‍ટરોની સંખ્‍યા હાલમાં ૧૩૭ જેટલી થવા જાય છે અને ૯૫ દેશોમાં તે કાર્યવંત છે જે કેનેડાની સરકાર માટે અતિ મહત્‍વની બીના છે આ અંગે વધુમાં જાણવા મળે છે તેમ આગામી વર્ષના નવેમ્‍બર માસ સુધીમાં વિશ્વના અન્‍ય દેશોમાં વધુ સેન્‍ટરો શરૂ કરવામાં આવનાર છે અને તે દેશોમાં જેનો સમાવેશ થાય છે તે યુરોપ આફ્રિકા, અને મધ્‍ય પૂર્વના દેશો મુખ્‍ય છે જેમાં આ નેટવર્કનો વિસ્‍તૃતિકરણ કરવાનો કેનેડાની સરકારનો મક્કમ પણે નિર્ણય હોવાનું જાણવા મળે છે.

વિશ્વના દેશોમાં વસવાટ કરતા રહીશો કે જેમાં ઇમીગ્રેશન રેફયુજી અને કેનેડીયન નાગરિકત્‍વનો સમાવેશ થાય છે અને તેઓ કેનેડા આવવાની ઇચ્‍છા રાખતા હોય તો તેવા લોકોને અત્રે આવવા માટે સરળતા થઇ પડે તે માટે કેનેડાની સરકારે ભીન્‍ન ભીન્‍ન દેશોમાં વીઝા એપ્‍લીકેશન સેન્‍ટરો શરૂ કરેલ છે અને આવા લોકો આ સેન્‍ટરોનો લાભ લે છે

કેનેડાની સરકારે આ અંગે એક જાહેરાત દ્વારા પ્રજાને જરૂરી જાણ કરેલ છે કે વિશ્વના દેશોમાં કાર્યવંત વીઝા એપ્‍લીકેશન સેન્‍ટરોનો સમગ્ર કોન્‍ટ્રાકટ વીએફ વર્લ્‍ડવાઇડ હોલ્‍ડીંગ્‍સ લીમીટેડને એનાયત કરવામાં આવેલ છે અને તેઓ અરજ કરનારાઓને સમગ્ર રીતે મદદ કરે છે પ્રતિ વર્ષે આ વીઝા એપ્‍લીકેશન સેન્‍ટરોનો વિપુલ પ્રમાણમાં ઉપયોગ કરે છે અને  તેથી તમામ અરજદારોને તે સરળતા પૂર્વક સહાય રૂપ થઇ પડેલ છે.

આ અંગેની વિગતોમાં જાણવા મળે છે તેમ આગામી બે વર્ષના સમયગાળા દરમ્‍યાન કેનેડાની સરકાર આ નેટવર્કનું વિસ્‍તૃતિકરણ કરવા માંગે છે. અને તેનો લાભ વિશ્વના અન્‍ય દેશોમાં વસવાટ કરતા લોકોને પણ થશે. અને તેથી વિશ્વના ૯૯ દેશોમાં ૧૪૯ જેટલા વીઝા એપ્‍લીકેશન સેન્‍ટરો કાર્યકરતા થઇ જશે અને તેમના કર્મચારીઓ નક્કી કરેલી શરતો મુજબની સર્વીસીઓ અરજદારોને પુરી પાડશે.

કેનેડાની સરકારે એવી પણ જાહેરાત કરેલ છે કે આગામી બે વર્ષના સમયગાળા દરમ્‍યાન વીઝા એપ્‍લીકેશન સેન્‍ટરના વિસ્‍તૃતિકરણનું કાર્ય પૂર્ણ થતા કોઇ પણ વ્‍યક્‍તિ આ નેટવર્કના પોતાની મેળે ઉપયોગ કરી  શકશે અને તેથી તમામ કાર્ય સરળતાથી પૂર્ણ કરી શકાશે. એશીયાના તમામ દેશોમાં આવા સેન્‍ટરો ચાલુ વર્ષના નવેમ્‍બર માસની રજી તારીખથી કાર્ય કરતા થઇ જશે અને ત્‍યારે બાદ એક વર્ષમાં વિશ્વના અન્‍ય દેશોમાં પણ કાર્યવંત બનશે એવું કેનેડાની સરકારે બહાર પાડેલ છે.

(10:15 pm IST)
  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • ભવિષ્યમાં ગાંધી-નહેરુ પરિવારની બહારની વ્યક્તિ કોંગ્રેસ પ્રમુખ હોઈ શકે છે :સોનિયા ગાંધી access_time 11:55 pm IST