Gujarati News

Gujarati News

News of Monday, 8th October 2018

‘‘માયસંગી ટેલન્‍ટ શો'': યુ.એસ.ના ન્‍યુજર્સીમાં સિંગલ સિનીઅર્સ માટે યોજાઇ ગયેલો મીટ એન્‍ડ ગ્રીટ પ્રોગ્રામઃ એકલા રહેતા સિનીઅર્સને પરસ્‍પર સામાજીક રીતે જોડવાનો હેતુ

 (દિપ્તીબેન જાની દ્વારા) ન્‍યુજર્સીઃ યુ.એસ.માં અકબર રેસ્‍ટોરન્‍ટ, એડિસન, ન્‍યુજર્સી મુકામે બીજો માયસંગી ટેલન્‍ટ શો યોજાઇ ગયો. જેમાં અનેક સિંગલ સિનીયર્સને મીટ એન્‍ડ ગ્રીટનો લાભ મળ્‍યો હતો. જેમણે સાથે બેસી નિખાલસ તથા મિત્રતા પૂર્ણ આદાન પ્રદાન દ્વારા પોતાની પ્રતિભાઓની ઝાંખી કરાવી હતી.

આ બીજી વખત યોજાયેલા પ્રોગ્રામમાં અનેક સિંગલ સિનીઅર્સ ફરીથી જોડાયા હતા. જ્‍યારે અમુક પ્રથમવાર આવ્‍યા હતા. માયસંગી ઓર્ગેનાઇઝેશન સાઉથ એશિઅન સિંગલ સિનીઅર્સને પરસ્‍પર સામાજીક રીતે જોડવા તથા આ સિંગલ સિનીઅર્સ વચ્‍ચેના નેટવર્કને જોડવાનું કામ કરે છે.

આ ઓર્ગેનાઇઝેશન થકી સંપર્કમાં આવેલા અનેક સિંગલ સિનીઅર્સએ સાથે મળી આંતર રાષ્‍ટ્રિય પ્રવાસો પણ કર્યા છે. આગામી સમયમાં આ લોકો માટે વર્કશોપ તેમજ દિવસ અને રાત્રિ રોકાણ સાથેના પ્રવાસ, ક્રુઝ સહિતના આયોજનો કરવાનો હેતુ છે. આવું આગામી આયોજન ૧૮ નવેં.ના રવિવારના રોજ સાંજે ૫ કલાકે અકબર રેસ્‍ટોરન્‍ટ એડિસન ન્‍યુજર્સી મુકામે યોજાશે. આવા સિંગલ સિનીઅર્સ કોઇના ધ્‍યાનમાં હોય તો તેઓને આ આગામી પ્રોગ્રામમાં જોડાવા જણાવાયું છે.

વિશેષ માહિતી માટે શ્રી રાજુ શાહ ૯૦૮-૩૨૭-૦૬૦૫ દ્વારા અથવા ળક્કર્તીઁશિંક્‍ળિર્ંીશશ્ર.ણૂંળ દ્વારા સંપર્ક સાધવા જણાવાયું છે.

(10:23 pm IST)