Gujarati News

Gujarati News

News of Wednesday, 8th January 2020

H-1B વિઝાની ભલામણ કરતી 11 કંપનીઓ ઉપર પ્રતિબંધ : અમેરિકન કર્મચારીઓના ભોગે વિદેશી કર્મચારીઓને નોકરી અપાતી હોવાનો લેબર ડિપાર્ટમેન્ટનો આક્ષેપ : 11 કંપનીઓ પૈકી 6 કંપનીઓ ભારતીયોને સ્પોન્સર કરનારી હતી

વોશિંગટન : વિદેશી કર્મચારીઓને  નોકરીમાં રાખવા માટે H-1B વિઝાની ભલામણ કરી  સ્પોન્સર કરતી અમેરિકાની કંપનીઓ પૈકી 11 કંપનીઓને આ વિઝા આપવા માટે પ્રતિબંધ મુકાયો હોવાનું સમાચાર સૂત્રો દ્વારા જાણવા મળે છે.
આ 11 કંપનીઓ પૈકી 6  કંપનીઓ ભારતીયોને વિઝા આપવા ભલામણ કરનારી હતી.

અમેરિકાના લેબર ડિપાર્ટમેન્ટ દ્વારા મુકાયેલા આ પ્રતિબંધનું કારણ આપતા જણાવાયું છે કે તેઓ H-1B વિઝા માટેના નિયમોનો ભંગ કરી રહી હતી.આ નિયમ મુજબ અમેરિકન કર્મચારીઓની નોકરીના ભોગે વિદેશી કર્મચારીને સ્પોન્સર કરી શકાતા નથી પરંતુ આ 11 કંપનીઓએ આ નિયમનો ભંગ કર્યાનું જાણવામાં આવતા હાલની તકે તેઓ ઉપર ઉપરોક્ત પ્રતિબંધ લાદી દેવાયો છે. જે 6 માસથી 2 વર્ષ સુધીનો હોઈ શકે છે.

(1:35 pm IST)
  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST

  • મુખ્યપ્રધાન વિજય રૂપાણીએ તાકીદની બેઠક બોલાવી છે. આવતીકાલે સીએમ નિવાસ સ્થાને બેઠક મળશે. એસસી, એસટી અને ઓબીસી ઉપરાંત જીએડીના અધિકારીઓ, કાયદાવિદોની બેઠક બોલાવી છે. માલધારીઓ અને એલઆરડીની મહિલાઓનો પ્રશ્ન બાબતે બેઠકમાં ચર્ચા કરવામાં આવશે. access_time 9:27 pm IST

  • ઈરાને આજે અમેરીકન મથકો ઉપર હુમલો કરતા ભારતનો રૂપિયો ડોલર સામે ૨૦ પૈસા તૂટી ગયો છે અને આજે સવારે ૧ ડોલર = રૂ.૭૨.૦૨ પૈસા રહ્યો હતો access_time 1:01 pm IST