Gujarati News

ન્યુયોર્કઃ અમેરિકાના ન્યુયોર્કમાં આવેલા મેનહટ્ટન મુમેન્ટ એન્ડ આર્ટસ સેન્ટર ખાતે ૨૬ ઓગ.ના રોજ યોજાઇ ગયેલી '૨૦૧૯ ઇન્ટરનેશનલ મિસીસ સૌંદર્ય સ્પર્ધા'માં ઇન્ડિયન અમેરિકન એન્ટ્રિપ્રિનીયર મહિલા ન્યુજર્સી સ્થિત સુશ્રી કામિની શંકર વિજેતા થયેલ છે.

યુ.એસ. વર્લ્ડ પ્રોડકશન ઇન્કમ આયોજીત ૨૬થી ૩૯ વર્ષની વય વચ્ચેની વૈવાહિક કે રાષ્ટ્રીયતાના ભેદભાવ વગરની આ આંતરરાષ્ટ્રીય વાર્ષિક સ્પર્ધામાં ૩૨ મહિલાઓએ ભાગ લીધો હતો. જેમાં વિજેતા બનેલી સુશ્રી કામિની ન્યુજર્સીમાં  FabFit Fitness સ્ટુડીયોની ફાઉન્ડર છે. તેને ૨પ૦૦ ડોલરની ગ્રાન્ટ અપાશે. તે શિક્ષણ અને આરોગ્ય ક્ષેત્રે જાગૃતિ ફેલાવવા માંગે છે. તેણે જણાવ્યા મુજબ સખત પુરૃષાર્થ કરવાથી તમામ સ્વપ્નો સાકાર થઇ શકે છે.