Gujarati News

શિકાગોઃ યુ.એસ.સ્‍થિત ઇન્‍ડિયન  અમેરિકન ઇન્‍ટરનલ મેડીસીન ફીઝીશયન મહિલા ડો.મોહસીના લાલીયાલાને ‘‘૨૦૧૭ ટોપ ડોકટર ઇન શિકાગો ઇલિનોઇસ એવોર્ડથી સન્‍માનિત કરાયા છે.

નોર્થ સ્‍ટોર યુનિવર્સિટી હેલ્‍થ સિસ્‍ટમમાં સેવાઓ આપતા ડો.મોહસીના પેશન્‍ટ કેર માટે વિશિષ્‍ટ યોગદાન આપવા બદલ એવોર્ડથી સન્‍માનિત કરાયા છે. જયાં તેઓ છેલ્લા ૮ વર્ષથી સેવાઓ આપી રહ્યા છે.

તેમણે અમદાવાદની NHL મ્‍યુનિસિપલ મેડીકલ કોલેજમાંથી ગ્રેજ્‍યુએશન કરી ઇન્‍ટરશીપ કરેલી છે તથા શિકાગોની મર્સી હોસ્‍પિટલ એન્‍ડ મેડીકલ સેન્‍ટરમાં રેસિડન્‍સી પૂર્ણ કરી છે. તેઓ અમેરિકન બોર્ડ ઓફ ઇન્‍ટરનલ મેડીસીન દ્વારા અધિકૃત થયેલા છે.