Gujarati News

Gujarati News

News of Sunday, 4th February 2018

યુ.કે.સ્‍થિત ગુજરાતી મૂળના ૫૧ વર્ષીય અશ્વિન ડોડીયાને આજીવન કેદઃ પૂર્વ પત્‍ની કિરણની હત્‍યા કરી લાશ સૂટકેસમાં ભરી રસ્‍તા ઉપર ફેંકી દીધાનો આરોપ હતો

લંડનઃ યુ.કે.માં સ્‍થાયી થયેલા ગુજરાતી મૂળના ૫૧ વર્ષીય અશ્વિન ડોડીયાને તેની પૂર્વ પત્‍ની ૪૬ વર્ષીય કિરણ ડોડીયાની હત્‍યા કરવાના આરોપસર યુ.કે.ની અદાલતે આજીવન કેદ ફરમાવી છે. તેવું સમાચાર સૂત્રો દ્વારા જાણવા મળે છે.

ઉલ્લેખનીય છે કે અશ્વિન તથા કિરણ ડોડીયાના લગ્ન ૧૯૮૮ની સાલમાં થયા હતા. તથા ૨૦૧૪ની સાલમાં બન્‍નેએ છુટાછેડા લઇ લીધા બાદ એક જ મકાનમાં અલગ અલગ રહેતા હતા. બને વચ્‍ચે ઝઘડો થતા અશ્વિને કિરણનું મોં અને ગરદન દબાવી હત્‍યા કરી લાશને સુટકેશમાં ભરી દઇ રસ્‍તા ઉપર ફેંકી દીધી હતી. તેવો આરોપ હતો.  

(11:04 pm IST)