Gujarati News

Gujarati News

News of Tuesday, 5th June 2018

ઇન્ડિયન અમેરિકન એરોસ્પેસ એન્જીનીયર શ્રી સુરીન્દર શર્મા ચૂંટણીના મેદાનમાં : પ્રિન્સેટોન ન્યુજર્સી કાઉન્સીલમાં ડેમોક્રેટ તરીકે ચૂંટણી લડશે : જો ચૂંટાઇ આવશે તો ૧ વર્ષનું એક જ ડોલરનું વળતર લેશે

ન્યુજર્સી : યુ.એસ.માં પ્રિન્સેટોન ન્યુજર્સી કાઉન્સીલર તરીકે ઇન્ડિયન અમેરિકન એરોસ્પેસ એન્જીનીયર શ્રી સુરીન્દર શર્માએ ઉમેદવારી નોંધાવી છે.

આજ ૫ જુન ૨૦૧૮ ના રોજ યોજાનારી પ્રાઇમરી ચૂંટણી માટે ઉમેદવારી નોંધાવનારા ૬ ડેમોક્રેટમાં તેમનો સમાવેશ થાય છે.

તેમણે પંજાબ એન્જીનીયરીંગ કોલેજમાંથી ડીગ્રી મેળવ્યા બાદ યુનિવર્સિટી ઓફ ટોરોન્ટો ઇન્સ્ટીટયુટ ફોર એરોસ્પેસ સ્ટડીઝ તથા નોર્થ સેન્ટ્રલ યુનિવર્સિટીમાંથી એરોસ્પેસ ડીગ્રી મેળવેલી છે. તેઓ  પ્રિન્સેટોન સ્થિત ગ્લોબલ એરોસ્પેસ સિસ્ટમ ઇન્કના પ્રેસિડન્ટ તરીકે ૨૦૦૦ ની સાલથી કાર્યરત છે.

જો ચૂંટાઇ આવે તો તેઓ ૧ ડોલરના વળતર સાથે ૧ વર્ષ કરવા માંગે છે. તથા ૨ વર્ષ સુધી ૧ મિલીયન ડોલરનું ફંડ સમાનતા, ડાઇવર્સિટી, તથા યુનિટી ટ્રસ્ટ માટે ભેગું કરવા માંગે છે જેમાં પોતે ૧ લાખ ૧ ડોલર આપશે તેવું વચન આપ્યું છે. તેમણે ડોર ટુ ડોર સંપર્ક શરૂ કરી દીધો છે.

(11:58 am IST)
  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • તાલાલા સાસણ રોડ પર જંગલ વિસ્તારમાં આગ ભભૂકી :મુખ્યમાર્ગની નજીકમાં લાગેલી આગે વિકરાળ સ્વરૂપ ધારણ કર્યું :છેલ્લી 20 મિનિટથી આગ ચાલુ છત્તા તંત્ર અજાણ હોવાનું જાણવા મળે છે સત્તાવાર સમર્થન અને વધુ વિગત મેળવાઈ રહી છે access_time 12:50 am IST