Gujarati News

Gujarati News

News of Friday, 1st June 2018

યુ.એસ.માં હેલ્‍થ એન્‍ડ હયુમન સર્વિસીઝ દ્વારા નવનિર્મિત ટાસ્‍ક ફોર્સના ચેર તરીકે સુશ્રી વનિલા સિંઘની નિમણુંક : છેલ્લા ૧૩ વર્ષથી સ્‍ટેનફોર્ડમાં કિલનિકલ પ્રોફેસર તરીકે સેવાઓ આપી રહેલા ફીઝીશીયન સુશ્રી સિંઘ ૨૮ મેમ્‍બરની બનેલી ટાસ્‍ક ફોર્સ કમિટીનું નેતૃત્‍વ કરશે

વોશીંગ્‍ટન : યુ.એસ.માં હેલ્‍થ એન્‍ડ હયુમન સર્વિસીઝ દ્વારા નવનિર્મિત પેઇન મેનેજમેન્‍ટ બેસ્‍ટ પ્રેકટીસીઝ ઇન્‍ટર એજન્‍સી ટાસ્‍ક ફોર્સના ચેર તરીકે ઇન્‍ડિયન અમેરિકન ફીઝીશીઅન સુશ્રી વનિલા સિંઘની નિમણૂંક થઇ છે.

સુશ્રી સિંઘ હેલ્‍થ એન્‍ડ હયુમન સર્વિસના ચિફ મેડીકલ ઓફિસર છે. છેલ્લા ૧૩ વર્ષથી તેઓ સ્‍ટેનફોર્ડમાં એનેસ્‍થેસિઓલોજી તથા પેઇન મેનેજમેન્‍ટ ડીપાર્ટમેન્‍ટમાં કિલનિકલ પ્રોફેસર તરીકે સેવાઓ આપી રહ્યાં છે. તેઓ ગવર્મેન્‍ટ એજન્‍સીઝ તથા પ્રાઇવેટ પ્રોફેશ્નલ્‍સ સંગઠન સંચાલિત થેરાપી સહિતના વિકલ્‍પો દ્વારા સેવાઓ આપવા પસંદ કરાયેલા ૨૮ નવા મેમ્‍બર્સના ચેર તરીકે કામગીરી સંભાળશે.(૪૬.૩)

(9:42 pm IST)
  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST

  • અમદાવાદ : ગુજરાત રાજ્યના ડીજીપીએ મીડિયાને બ્રિફિંગ કરવા બાબતે અધિકારીઓને કર્યો આદેશ : કમીશ્નરેટ વિસ્તારમાં નાયબ પોલીસ કમિશનર અને જિલ્લામાં નાયબ પોલીસ અધિકક્ષએ જ બ્રિફિંગ કરવા જણાવ્યું: બ્રિફિંગ કરતી વખતે ખાખી વર્દી પહેરવી ફરજીયાત : આ બાબતનું પાલન નહિ કરનાર સામે પગલાં લેવાશે access_time 1:33 pm IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST