Gujarati News

ઓહિયોઃ યુ.એસ.માં ઓહિયો સ્ટેટના ૪૨મા ડીસ્ટ્રીકટમાંથી સતત ૩ ટર્મથી ચૂંટાઇ આવતા ઇન્ડિયન અમેરિકન રીપબ્લીકન પ્રતિનિધિ શ્રી નિરજ અંતાણીએ આગામી ૨૦૨૦ની સાલમાં સ્ટેટ સેનેટર તરીકે ચૂંટણી લડવાની ઘોષણાં કરી છે.

ગઇકાલે ૩૦ જાન્યુ.૨૦૧૯ના રોજ તેમણે સમાચાર સૂત્રોને જણાવ્યા મુજબ તેઓ પ્રજાનું '' અમેરિકન ડ્રીમ''ખરા અર્થમાં સાકાર કરવા માંગે છે તથા સ્ટેટના પ્રશ્નોને કેન્દ્રમાં વાચા આપવાની ખ્વાહિશ ધરાવે છે.

તેઓ ઓહિયો સ્ટેટમાંથી ચૂંટાઇ આવેલા અત્યાર સુધીના બીજા ઇન્ડિયન અમેરિકન છે તથા રિપબ્લીકન તરીકે ચૂંટાઇ આવનાર સૌપ્રથમ હિન્દુ અમેરિકન છે. જો તેઓ સેનેટર તરીકે ચૂંટાઇ આવશે તો ઓહિયો સ્ટેટના સૌપ્રથમ ઇન્ડિયન અમેરિકન સેનેટર બનશે. તેઓનો જન્મ તથા ઉછેર આ સ્ટેટમાં થયા છે.