Gujarati News

Gujarati News

News of Saturday, 1st August 2020

હવે અમેરિકા ચીન પર કરશે ડિજિટલ સ્ટ્રાઇક

અમેરિકી પ્રમુખ ડોનાલ્ડ ટ્રમ્પે કરેલો સંકેત : ટ્રમ્પે ચીની એપ ટીકટોક પર પ્રતિબંધ લાદવાનો નિર્ણય કર્યો

વોશિગ્ટન,તા.૧ : ભારતે ચીનની સંખ્યાબંધ એપ્સ પર પ્રતિબંધ લાદ્યા બાદ હવે અમેરિકા પણ ચીન પર ડિજિટલ સ્ટ્રાઇક કરવાની તૈયારીમાં હોવાનો સંકેત શુક્રવારે સાંજે મળ્યો હતો. અમેરિકી પ્રમુખ ડોનાલ્ડ ટ્રમ્પે ચીની એપ ટીકટોક પર પ્રતિબંધ લાદવાનો નિર્ણય કર્યો હતો.

ખુદ ટ્રમ્પે કહ્યું હતું કે ચોવીસ કલાકમાં એક એકિઝકયુટીવ ઓર્ડર દ્વારા ટીકટોક પર પ્રતિબંધ લાદવામાં આવશે. અત્યાર અગાઉ પણ ટ્રમ્પે એવો સંકેત કર્યો હતો કે ચીની એપ ટીકટોક પર બેન લાદવામાં આવશે. અમારું વહીવટી તંત્ર આ દિશામાં કામ કરી રહ્યું છે. ટીકટોકનું મૂલ્યાંકન થઇ રહ્યું છે. આ એપ હવે રાષ્ટ્રીય સુરક્ષા અને સેન્સરશીપના મુદ્દે મહત્ત્વની બની રહી હતી. અમે એના પર બેન લાદવાની તૈયારી કરી રહ્યા છીએ.

બાઇટ ડાન્સ ટીકટોકને વેચી શકે છે અને હાલ માઇક્રોસોફ્ટ કંપની સાથે વાટાદ્યાટો થઇ રહી હતી એવા અહેવાલ તરફ ધ્યાન પડ્યા બાદ ટ્રમ્પે પત્રકારો સાથે વાત કરતાં કહ્યું હતું કે આ ચીની એપ પર પ્રતિબંધ લાદવાનો નિર્ણય અમે કરી રહ્યા હતા. અમારી પાસે બીજા પણ કેટલાક વિકલ્પો છે. અમે એ વિકલ્પો વિશે વિચારી રહ્યા છીએ. યોગ્ય સમયે નિર્ણયની જાણ કરવામાં આવશે.

કેટલાક વિદેશી મિડિયાના રિપોર્ટ મુજબ બાઇટ ડાન્સ નજીકના ભવિષ્યમાં ટીકટોકથી જુદા થવાની જાહેરાત કરશે. અમેરિકાની કેટલીક મોટી ટેક્ કંપનીઓ આ એપ ખરીદવા વિચારી રહી હોવાની વાતો પણ વહેતી થઇ હતી. ન્યૂયોર્ક ટાઇમ્સ અને ફોકસ ન્યૂઝે વિશ્વસનીય સૂત્રોને ટાંકીને શુક્રવારે એવા રિપોર્ટ પ્રગટ કર્યા હતા કે માઇક્રોસોફ્ટ ટીકટાઙ્ખકને ખરીદી લે એવી શકયતા હતી.

આ વિશે માઇક્રોસોફ્ટ સાથે વાટાદ્યાટો ચાલુ હતી. જો કે ટીકટોકે તરત એવા પ્રત્યાદ્યાત આપ્યા હતા કે અમે અટકળો અને અફવાઓ વિશે કોઇ અભિપ્રાય આપવા માગતા નથી. અમને ટીકટોકની દીર્દ્યસૂત્રી કામિયાબી પર પૂરેપૂરો વિશ્વાસ છે બહુ થોડા સમયમાં આ એપ યુવા પેઢીમાં લોકપ્રિય નીવડી હતી. બાઇટ ડાન્સે ૨૦૧૭માં આ એપ લોંચ કરી હતી.

(1:35 pm IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • એક સમયે ગુનેહગારોના હાજા ગગળાવતા કર્મઠ રિટાયર્ડ પોલીસ અધિકારી શ્રી સુખદેવસિંહજી ઝાલા, પોતાનું નિવૃતિ જીવન ગાયત્રી પરિવારના નિર્મળ સન્યાસી તરીકે વ્યતીત કરી રહ્યા છે. access_time 4:42 pm IST

  • ગાંધીનગર બેઠકના સાંસદ અને ધારાસભ્ય કોરોનાની ઝપેટમાં: યોગાનુયોગ ગાંધીનગરના કોંગ્રેસના ધારાસભ્ય સી.જે.ચાવડા અને ગાંધીનગર સાંસદ ગૃહમંત્રી અમિતભાઇ શાહનો કોરોના રિપોર્ટ પોઝીટીવ : બંને જન પ્રતિનિધિ એક જ દિવસે કોરોના સંક્રમિત access_time 12:41 am IST