વડાપ્રધાન મોદીનું જાકાર્તામાં ઉષ્માભેર સ્વાગત :એક્ટ ઇસ્ટ નીતિને મજબૂત કરવા ધ્યેય
સમુદ્ર, વ્યાપાર અને નિવેશ સહિત વિભિન્ન મુદ્દાઓ પર દ્વિપક્ષીય સહયોગના સંબંધમાં ચર્ચા કરશે
જકાર્તા :વડાપ્રધાન નરેન્દ્રભાઈ મોદી આજે એક્ટ ઈસ્ટ નીતિને મજબૂત કરવાના ઈરાદાથી ઈન્ડોનેશિયા ની રાજધાની જકાર્તા પહોંચ્યા છે એરપોર્ટ પર તેઓનું ઉષ્માભેર સ્વાગત કરાયું હતું
પ્રધાનમંત્રી નરેન્દ્રભાઈ મોદીની ઈન્ડોનેશિયાની આ પહેલી સત્તાવાર યાત્રા છે. આ દરમ્યાન તેઓ રાષ્ટ્રપતિ જોકો વીડોડો સાથે મુલાકાત કરશે. બંન્ને નેતા સમુદ્ર, વ્યાપાર અને નિવેશ સહિત વિભિન્ન મુદ્દાઓ પર દ્વિપક્ષીય સહયોગના સંબંધમાં ચર્ચા કરશે. તેની સાથે જ બંન્ને નેતા ઈન્ડોનેશિયાઈ ચેમ્બર ઓફ કોમર્સ એન્ડ ધ ઈન્ડસ્ટ્રી દ્વારા આયોજીત સીઈઓ બિઝનેસ ફોરમ અને કંફડરેશન ઓફ ઈન્ડિયન ઈન્ડસ્ટ્રી જેવા કાર્યક્રમોમાં એક સાથે મુલાકાત કરશે
જકાર્તા પહોંચવા પર પ્રધાન મંત્રીનું ઔપચારિક રીતે સ્વાગત કરવામાં આવ્યુ હતુ. પ્રધાનમંત્રી મોદીના આ બે દેશો ની મુલાકાતનો હેતુ એક તરફ ચીન પર લગામ કસવી છે, જ્યારે તેનાથી ભારતને કારોબાર અને રક્ષાના ક્ષેત્રમાં ઘણી મદદ મળશે.