વડાપ્રધાન નરેન્દ્રભાઈ મોદી ઇન્ડોનેશિયા પહોંચ્યા :જકાર્તા પહોંચતા જ મોદીએ ઈન્ડોનેશિયન ભાષામાં કર્યું ટ્વીટ

 

નવી દિલ્હી :ત્રણ દેશોના વિદેશ પ્રવાસ પર નીકળેલા વડાપ્રધાન મોદી ઇન્ડોનેશિયા પહોંચી ગયા છે, ઇન્ડોનેશિયાની આર્થિક પાટનગર જકાર્તામાં મોદીનું એરપોર્ટ પર સ્વાગત કરવામાં આવ્યું હતું. જકાર્તા પહોંચતા જ મોદીએ ઇન્ડોનેશિયન ભાષામાં ટ્વીટ કર્યું હતું. ઉલ્લેખનીય છે કે વડાપ્રધાન 29મી મેથી 2 જૂન સુધી આ દેશોની યાત્રા પર રહેશે.

પ્રવાસ પર જતાં પહેલા વડાપ્રધાન મોદીએ કહ્યું હતું કે ત્રણેય દેશો સાથે ભારતના સારા સંબંધ છે અને તેમના આ પ્રવાસથી એક્ટ ઈસ્ટ નીતિને આગળ ધપાવવામાં મદદ મળશે. 29મી જૂનના રોજ પીએમ ઈન્ડોનેશિયાના રાષ્ટ્રપતિ જોકો વિડોડોના નિમંત્રણ પર જકાર્તામાં રહેશે. તેમણે કહ્યું, "વડાપ્રધાન તરીકે ઇન્ડોનેશિયાનો આ મારો પ્રથમ પ્રવાસ છે.