પુખ્ત વયની દરેક વ્યક્તિને પસંદગીના પાત્ર સાથે રહેવાનો અધિકાર છે : લિવ ઈન રિલેશનમાં રહેતા પરણિત પુરુષ અને મહિલાને રક્ષણ આપવા પંજાબ એન્ડ હરિયાણા હાઈકોર્ટનો આદેશ
પંજાબ : પંજાબ અને હરિયાણા હાઈકોર્ટે કહ્યું છે કે દરેક પુખ્ત વયની વ્યક્તિને તેની પસંદગીની વ્યક્તિ સાથે રહેવાનો અધિકાર છે અને જો સંબંધીઓ દ્વારા આવા સંબંધનો વિરોધ કરવામાં આવે તો અદાલતોએ તેમને રક્ષણ આપતા આદેશો પસાર કરવા જોઈએ. [મનજીત કૌર વિ. પંજાબ રાજ્ય]
ન્યાયાધીશ વિકાસ બહલે કહ્યું કે ભારતના બંધારણના અનુચ્છેદ 21 હેઠળ બાંયધરી આપેલ જીવન અને સ્વતંત્રતાનો અધિકાર સૌથી મૂળભૂત અધિકારોમાંનો એક છે. અદાલતોએ આવા યુગલોને રક્ષણ પૂરું પાડવું જોઈએ .
જીવન અને સ્વતંત્રતાનું રક્ષણ એ ભારતના બંધારણની મૂળભૂત વિશેષતા છે .આ અદાલત, પ્રથમ દૃષ્ટિએ, સંતુષ્ટ થાય છે કે કેટલાક સંબંધીઓ અથવા વ્યક્તિઓ અરજદારો વચ્ચેના સંબંધથી નાખુશ હોવાને કારણે, તેમના જીવન અને સ્વતંત્રતાને નુકસાન પહોંચાડી શકે છે, ત્યારે આવા સંજોગોમાં, અદાલતોએ જરૂરી નિર્દેશો પસાર કરવા જરૂરી છે .
કોર્ટ લિવ-ઇન દંપતી દ્વારા સુરક્ષાની માંગ કરતી અરજીની સુનાવણી કરી રહી હતી કારણ કે તેઓને તેમના સંબંધીઓ તરફથી તેમના જીવને ખતરો હોવાની આશંકા હતી. આ સંબંધમાં રહેલો પુરુષ પહેલેથી જ પરિણીત હતો અને તેની પહેલી પત્નીને છૂટાછેડા આપ્યા વિના અરજદાર મહિલા સાથે રહેતો હતો. તેવું બી.એન્ડ બી.દ્વારા જાણવા મળે છે.