News of Monday, 28th May 2018
દેશભરમાં બુધ-ગુરૂ બેન્ક હડતાલ
કાલે ગુજરાતના ૫૫૦૦૦ બેન્ક કર્મચારી- ઓફિસરો કાળી પટ્ટી બાંધશે
રાજકોટ : કેન્દ્ર તરફથી ર ટકા જેવો મામુલી પગાર વધારો અપાતા પગાર વધારા સહિતની લાંબા સમયની માંગણીઓ બાબતે યુનાઇટેડ ફોરમ ઓફ બેન્ક યુનિયનના બેનર હેઠળ ૩૦-૩૧ (બુધ-ગુરૂ) મે ના રોજ બેન્ક કર્મચારીઓ હડતાલ ઉપર ઉતરી જશે. તે પૂર્વે કાલે મંગળવારે કાળી પટ્ટી બાંધી ફરજ બજાવશે.
આ હડતાલમાં ગુજરાતના ૫૫ હજાર બેન્ક કર્મચારીઓ અને ઓફીસરો જોડાશે.
બુધવારે બેન્કની તામામ શાખાઓ સામે બેન્ક કર્મચારીઓ દેખાવો કરશે.
મહાગુજરાત બેન્ક એમ્પ્લોઇઝ યુનિયનના મંત્રી શ્રી જનક રાવલે વધુમાં જણાવેલ કે ૧ નવેમ્બરથી બેન્ક કર્મચારીઓ અને અધિકારીઓના પગારમાં વધારો કરવાનું બાકી છે. જયારે ઇન્ડિયન બેન્ક એસોસીએશન (આઇબીએ) મુખ્ય માંગણીઓનો ઉકેલ લાવવામાં વિલંબ કરી રહેલ છે.
(7:35 pm IST)