ચીનની નીચતાના પુરાવા જાહેર થવા લાગ્યા

નેટફલીકસ ઉપરની ૨૦૧૮ની ફિલ્મે ભેદ ખોલી નાખ્યા : 'માય સિક્રેટ ટેરિયસ'માં ૧૦મા એપીસોડની ૫૩મી મિનિટે કોરોના વાયરસનો ઉલ્લેખ છે : ડો. લી વેનલીયાંગે આ વાયરસ વિકસાવેલ જેને ચીની લશ્કરે મારી નાખેલ : તેણે કહેલ કે આ વાયરસ આટલા બધાના જીવ લેશે તે ખબર હતી તો હું ચૂપ બેસી રહેત નહિં: સમગ્ર દુનિયાને જણાવી દેત અને તેનું ભેદી મોત થયુ

નવી દિલ્હી : કોરોના વાયરસને લઈને ચીન સમગ્ર દુનિયા સામે વારંવાર જૂઠ્ઠાણું ચલાવે છે. ચીને તો અમેરિકા ઉપર જ વાયરસ ફેલાવવાનો આરોપ લગાવી દીધો તો કયારેક ઈટાલીને જવાબદાર ઠેરવી દીધુ. પોતાની ભૂલ છૂપાવવા માટે ચીને અનેક કાવતરા દ્યડી નાખ્યાં. પરંતુ આજે અમે તમને આ રિપોર્ટના માધ્યમથી એવી જાણકારી આપી રહ્યાં છીએ કે જેને જાણીને દરેક જણ દંગ રહી જશે. કોરોના વાયરસ એક પ્રકારનો Biochemical Terrorist Attack હોવાનું ઝી ન્યુઝ ગુજરાતી નોંધે છે.

નેટફ્લિકસ પર ઉપલબ્ધ એક દક્ષિણ કોરિયાઈ વેબ સિરીઝ My Secret, Terrius (માય સિક્રેટ ટેરિયસ)નો એસ સીન દર્શાવવા માંગીએ છીએ. જેમાં કોરોના વાયરસને એક સીક્રેટ હથિયાર તરીકે વિકિસત કરાવવામાં આવ્યો હોવાનો ઉલ્લેખ છે. આ સિરીઝ ૨૦૧૮માં આવી હતી જો કે તે ભારતમાં ઉપલબ્ધ નથી. પરંતુ તમારે આ સીન જરૂર જોવો જોઈએ.

ચોક્કસપણે આ વેબ સિરીઝનો આ સીન જોઈને કોઈ પણ એ વિચારવા માટે મજબુર થઈ જાય કે શું ખરેખર ચીને દુનિયાને તબાહીની આગમાં ધકેલવા માટે આ કોરોના વાયરસને એક સીક્રેટ હથિયાર તરીકે ઉપયોગમાં લીધો છે? અત્રે જણાવવાનું કે ૨૦૧૮માં રિલીઝ થયેલી આ દક્ષિણ કોરિયાઈ વેબ સિરીઝના ૧૦માં એપિસોડમાં ૫૩મી મિનિટે કોરોના વાયરસનો ઉલ્લેખ થયો છે.

આ વેબ સિરીઝમાં આ વાયરસને એક બાયોકેમિકલ આતંકી હુમલાનું વેપન ગણાવવામાં આવ્યું છે. આ પહેલો પુરાવો નથી જે ચીનના નાપાક ષડયંત્રનો પર્દાફાશ કરે છે. અગાઉ પણ આ પ્રકારના અનેક દાવા સામે આવતા રહ્યાં છે. આવા જ કેટલાક દાવા પણ જોઈએ.

હાલમાં જ ૨૦૧૧માં આવેલી એક ફિલ્મ Contagion ની ખુબ ચર્ચા થાય છે. કારણ કે આ ફિલ્મમાં પણ ૧૧ વર્ષ અગાઉ ચીનમાંથી જ શરૂ થયેલી આવી જ એક મહામારીની કહાની જણાવવામાં આવી છે.

ચીન કોરોનાને લઈને દુનિયા સામે ઘણું છૂપાવવાની કોશિશ કરી રહ્યું છે. પરંતુ તેની કરતૂત લાંબા સમય સુધી છૂપાયેલી રહેશે નહીં. કોરોના વાયરસ પર ચીનના ડોકટર લી વેનલિયાંગ બાદ હવે વધુ એક ડોકટરે પણ ચીનની પોલ ખોલી છે.

વુહાન સેન્ટ્રલ હોસ્પિટલના ઈમરજન્સી ડિપાર્ટમેન્ટના ડાયરેકટર ડોકટર આઈ ફેને ચીન સરકાર પર ગંભીર આરોપ લગાવ્યાં છે. ડો.આઈફેને એક ઈન્ટરવ્યુમાં કહ્યું છે કે ચીનના સરકારી અધિકારીઓએ મને ધમકી આપી હતી કે જો કોઈને આ વાયરસ અંગે જણાવ્યું તો અંજામ ખરાબ થશે.

કોરોના વાયરસને લઈને દાવો છે કે આ વાયરસ 'વુહાન ઈન્સ્ટિટ્યૂટ ઓફ વાયરોલોજી'થી લીક થયો છે, જે હવ સમગ્ર દુનિયામાં ફેલાઈ ગયો છે. જો કે ચીનનો દાવો છે કે આ વાયરસ માનવનિર્મિત નથી. જો ચીનનો આ દાવો સાચો હોય તો ચીનના ડોકટર પોતાની જ સરકાર પર સવાલ કેમ ઉઠાવી રહ્યાં છે. ડોકટર આઈફેને દુનિયાને એમ પણ જણાવ્યું કે મને જો ખબર હોત કે આ વાયરસ આટલા લોકોના જીવ લઈ લેશે તો હું કયારેય ચૂપ બેસત નહીં. હું સમગ્ર દુનિયાને આ વાત જણાવી દેત. જે પણ માધ્યમથી કહી શકત હું આ જાણકારી આપી દેત. પછી ભલે મને કોઈ જેલમાં જ કેમ ન નાખી દેત.

ડો. ફેનનો આ ઈન્ટરવ્યુ રેનવુએ પોતાની સાઈટ પરથી હટાવી દીધો છે. ચીનના સોશિયલ મીડિયામાંથી પણ આ ઈન્ટરવ્યુ ગાયબ થઈ ગયો છે. ડો.આઈફેન અગાઉ વુહાન સેન્ટ્રલ હોસ્પિટલના ડોકટર લી વેનલિયાંગે પણ કોરોના વાયરસ અંગે સરકારી અધિકારીઓને ચેતવણી આપી હતી પરંતુ તેમને ધમકાવવામાં આવ્યાં. ત્યારબાદ ડોકટર લીનું કોરોના વાયરસથી જ મોત થયું હતું.

 ચીનના ગુપ્તચર વિભાગના એક અધિકારીએ તો એ પણ દાવો કર્યો હતો કે ડો.લીનું મોત કરોના વાયરસથી નહીં પરંતુ તેમની હત્યા ચીની સેનાએ કરી હતી. તે અધિકારીનો તો એવો પણ દાવો હતો કે કોરોના વાયરસ વુહાનની લેબમાંથી જ નીકળ્યો છે.

કોરોના વાયરસ પર સચ્ચાઈ શું છે તે તો કોઈને ખબર નથી પરંતુ હાલ ચીનથી ફેલાયેલા આ કોરોના વાયરસ સમગ્ર દુનિયા માટે મોટું જોખમ બની બેઠો છે.