એરપોર્ટ 50 વર્ષ માટે મિત્રોને આપીને દોલતવીર અને યુવાઓને ચાર વર્ષના કરાર પર અગ્નિવીર

જ્યાં સુધી યુવાનોને ન્યાય નહીં મળે ત્યાં સુધી આ સત્યાગ્રહ અટકશે નહીં: રાહુલ ગાંધીનો હુંકાર

કોંગ્રેસ નેતા રાહુલ ગાંધીએ અગ્નિપથ યોજનાને લઈને વડાપ્રધાન મોદી પર આકરા પ્રહારો કર્યા છે. તેમણે કહ્યું છે કે દેશના વડાપ્રધાન પોતાના મિત્રોને દેશના એરપોર્ટ આપીને પૈસાદાર બનાવી રહ્યા છે, પરંતુ યુવાનોને કોન્ટ્રાક્ટ પર રાખીને તેઓ તેમને અગ્નવીર બનાવવા માંગે છે. તેમણે આ વાત કોંગ્રેસના વિરોધ પ્રદર્શનના દિવસે કહી હતી. કોંગ્રેસ દેશભરમાં સત્યાગ્રહ કરીને અગ્નિપથ યોજનાનો વિરોધ કરી રહી છે.

એક ટ્વિટમાં રાહુલ ગાંધીએ કહ્યું કે, વડાપ્રધાન દેશના એરપોર્ટ તેમના 50 વર્ષના ‘મિત્રો’ને આપી દોલતવીર અને યુવાનોને માત્ર 4 વર્ષના કરાર પર ‘અગ્નવીર’  બનાવી રહ્યા છે. આજે દેશભરમાં કોંગ્રેસ પાર્ટી ‘અગ્નિપથ’ સામે સત્યાગ્રહ કરી રહી છે અને જ્યાં સુધી યુવાનોને ન્યાય નહીં મળે ત્યાં સુધી આ સત્યાગ્રહ અટકશે નહીં.

દેશના યુવાનોથી શરૂ થયેલી અગ્નિપથ યોજનાનો વિરોધ હવે રાજકીય સ્વરૂપ ધારણ કરી ચૂક્યો છે. અત્યાર સુધી અનેક રાજકીય પક્ષોએ આ યોજનાનો વિરોધ કર્યો છે. હવે કોંગ્રેસે આ યોજનાનો વિરોધ કરવા દેશભરમાં સત્યાગ્રહ કર્યો. અગ્નિપથ યોજનાને લઈને સરકાર પર પ્રહારો વધુ તીવ્ર બનાવતા કોંગ્રેસે કહ્યું કે મોદી સરકાર સેનામાં ભરતીની આ નવી યોજના લાવીને યુવાનોના ભવિષ્ય સાથે રમત રમી રહી છે. કોંગ્રેસ આ યોજનાના વિરોધમાં દેશના તમામ વિધાનસભા ક્ષેત્રોમાં ‘સત્યાગ્રહ’ કરી રહી છે અને અગ્નિપથ યોજનાને લાગુ કરવા માટેના તુગલક ફરમાનને પરત ખેંચવાની માંગ કરી રહી છે