લાલુપ્રસાદ યાદવને "એમ્સ" નવી દિલ્હીમાં દાખલ કરાયા : ભારે તાવ અને સખત નબળાઈ: બ્લડ રિપોર્ટની જોવાતી રાહ

કોર્ટે કહ્યું કે તેમને ૩૦ નવેમ્બરે શારીરિક રીતે હાજર થવાની જરૂર નથી અને તેઓ પોતાના વકીલ મારફતે કોર્ટ સમક્ષ પોતાનો મુદ્દો મૂકી શકે છે.

બિહાર: પટણા: આરજેડી પક્ષના નેતા અને ભૂતપૂર્વ રેલ્વે મંત્રી લાલુપ્રસાદ યાદવને નવી દિલ્હી ખાતે એમ્સ હોસ્પિટલમાં ઇમરજન્સી દાખલ કરવામાં આવ્યા છે. તેઓ પટણાથી આવીને સીધા જ હોસ્પિટલમાં દાખલ થયા હતા. તેમને ભારે તાવ અને સખત નબળાઈ હોવાનું કહેવાય છે. બ્લડ રિપોર્ટ ની રાહ જોવાઇ રહી છે.

આરજેડી સુપ્રીમો લાલુ પ્રસાદ યાદવ બાંકા ટ્રેઝરી સંબંધિત ચારા કૌભાંડ કેસમાં મંગળવારે સવારે ૧૧ વાગ્યે વિશેષ સીબીઆઈ કોર્ટમાં હાજર થયા હતા.  આ દરમિયાન એડવોકેટ સુધીર સિંહાએ માહિતી આપી હતી કે સીબીઆઈને ૩૦મીએ સાક્ષીઓને રજૂ કરવાનો નિર્દેશ આપવામાં આવ્યો છે.
આ સુનાવણી દરમિયાન લાલુ યાદવે કોર્ટને જણાવ્યું કે તેમની તબિયત અત્યારે ઠીક નથી અને તેમની સારવાર ચાલી રહી છે.  આવી સ્થિતિમાં તેમને રાહત આપવી જોઈએ.  જોકે, જ્યારે પણ કોર્ટને તેની જરૂર પડશે ત્યારે તે કોર્ટમાં હાજર રહેશે.  જે બાદ લાલુ યાદવને કોર્ટમાંથી રાહત મળી છે.  આ દરમિયાન કોર્ટે કહ્યું કે તેમને ૩૦ નવેમ્બરે શારીરિક રીતે હાજર થવાની જરૂર નથી અને તેઓ પોતાના વકીલ મારફતે કોર્ટ સમક્ષ પોતાનો મુદ્દો મૂકી શકે છે.