News of Wednesday, 26th June 2019
UAEમાં કાર અકસ્માતે ભારતીય મૂળના ઇમામની સગીર પુત્રીનું કરૂણ મોતઃ ઇમામ તથા તેમના પત્ની સારવાર હેઠળ
દુબઇઃ UAE સ્થિત ભારતીય ઇમામના પરિવારને ગયા સપ્તાહમાં થયેલા કાર એકસીડન્ટથી ઇજાગ્રસ્ત થયેલી તેમની સગીર પુત્રીનું શનિવારે કરૂણ મોત નિપજ્યું છે. જયારે ઇમામ તથા તેમની પત્ની સારવાર હેઠળ છે.
૧૪ જુનના રોજ અલ રમસ ઇલાકામાં બનેલી ઘટના મુજબ ઇમામ કાર લઇને જતા હતા જેમાં તેઓ ઉપરાંત તેમના પત્ની તથા સગીર પુત્રી હતા. તે સમયે અચાનક કાર રોડ ઉપરથી ઉતરી જતા પલ્ટી ખાઇ ગઇ હતી. પરિણામે ત્રણેને ઇજાગ્રસ્ત હાલતમાં હોસ્પિટલમાં ખસેડાયા હતા. જયાં તેમની પુત્રીનું મોત થયું હતું તથા પતિ પત્ની સારવાર હેઠળ છે. તેવું સમાચાર સૂત્રો દ્વારા જાણવા મળે છે.
(8:59 pm IST)