IPL_2020નો પ્રથમ ક્વાલિફાય 5 નવેમ્બરે અને ફાઇનલ 10 નવેમ્બર દુબઇમાં રમાશે
એલિમિનેટર મેચ અને બીજી ક્વોલિફાયર અબુધાબીમાં રમાશે: જાણો પ્લેઓફ શેડ્યુલ
દુબઇઃ IPLની 13મી સીઝન 2020 હવે અંતિમ તબક્કામાં પ્રવેશી રહ્યી છે. ભારતીય ક્રિકેટ બોર્ડ (BCCI)એ રવિવારે ટૂર્નામેન્ટના પ્લેઓફનું શિડ્યુલ જારી કરી દીધુ. જે મુજબ પ્રથમ ક્વાલિફાયર 5 નવેમ્બરે અને ફાઇનલ 10 નવેમ્બર દુબઇમાં રમાશે. જ્યારે એલિમિનેટર 6 નવેમ્બરે અને બીજી ક્વાલિફાયર મેચ 8 નવેમ્બરે અબુધાબીના શારજાહમાં રમાશે.
PL 2020ની 45મી મેચ રવિવારે મુંબઇ અને રાજસ્થાન વચ્ચે રમાઇ. ત્યાર બાદ 14 મેચ બાકી રહેશે. હાલના પોઇન્ટ ટેબલમાં ટોપ-3માં પહોંચેલી મુંબઇ ઇન્ડિયન્સ, દિલ્હી કેપિટલ્સ અને રોયલ ચેલેન્જર્સ બેંગ્લુરુનું પ્લેઓફમાં પહોંચવાનું લગભગ નક્કી છે. એટલે 4થી ટીમ માટે કાંટાની ટક્કર થશે. ચેન્નાઇ આ રેસમાંથી લગભગ બહાર થઇ ગયું છે. છતાં ક્રિકેટમાં કંઇ કહેવું વહેલાસરનું હોય છે.
IPL Playoffનું શિડ્યુલ
તારીખ મેચ વેન્યુ સમય |
5 નવેમ્બર ક્વાલિફાયર-1 દુબઇ ઇન્ટરનેશનલ સ્ટેડિયમ સાંજે 7:30 |
6 નવેમ્બર એલિમિનેટર શેખ ઝાયદ સ્ટે. અબુધાબી સાંજે 7:30 |
8 નવેમ્બર ક્વાલિફાયર-2 શેખ ઝાયદ સ્ટે. અબુધાબી સાંજે 7:30 |
10નવેમ્બર ફાઇનલ દુબઇ ઇન્ટરનેશનલ સ્ટેડિયમ સાંજે 7:30 |
વુમન્સ ટી-20 ચેલેન્જ પણ શારજાહમાં
બીસીસીઆઇએ જાહેર કરેલા કાર્યક્રમ મુજબ વુમન્સ ટી-20 ચેલેન્જની આઇપીએલની તમામ મેચ શારજાહમાં રમાશે. ટૂર્નામેન્ટમાં ત્રણ ટીમો સુપરનોવાસ, વેલોસિટી અને ટ્રેલબ્લાજર્સ વચ્ચે ફાઇનલ સહિત 4 મેચ રમાછે. ફાઇનલ 9 નવેમ્બરે યોજાશે.