News of Sunday, 25th October 2020
મહિલાઓના શોષણનું મુખ્ય કારણ આર્થિક રીતે આત્મનિર્ભરતાનો અભાવઃ આનંદીબેન
દીકરા-દીકરીને સમાનતાથી ભણાવવા યુપીના રાજયપાલનો અનુરોધ
રાજકોટ તા. ર૪ :.. ઉત્તર પ્રદેશના રાજયપાલ શ્રીમતી આનંદીબેન પટેલે મહિલાઓના શોષણનું મુખ્ય કારણ આર્થિક રીતે આત્મનિર્ભર હોવાનો અભાવ હોવાનો મત વ્યકત કરી દીકરા-દીકરીઓને સમાન શિક્ષણની હિમાયત કરી છે.
લખનોમાં સંજય ગાંધી સંસ્થાન દ્વારા યોજાયેલ મહિલા સશકિતકરણ સપ્તાહ ઉજવણી નિમિતે આનંદીબેને વિડીયો સંદેશમાં જણાવેલ કે મહિલાઓને આર્થિક રીતે આત્મનિર્ભર બનાવવા માટે કેન્દ્ર અને રાજય સરકારોની પ્રતિબધ્ધતા હોવી જોઇએ. મહિલાઓનું શોષણ મોટાભાગે તે આર્થિક રીતે આત્મનિર્ભર ન હોવાથી થાય છે. દીકરા-દીકરીને સમાનરૂપે શિક્ષણ આપવુ જોઇએ.
અન્ય વકતાઓએ પણ મહિલા સશકિતકરણ માટે સંદેશ આપ્યો હતો.
(12:00 am IST)