શામ્બર્ગ ટાઉનના મેયરપદના ઉમેદવાર સુનીલ શાહના માનમાં ફંડરેઇઝીંગનો કાર્યક્રમ યોજાશેઃ શામ્બર્ગ ટાઉનમાં આવેલ ફેરફીલ્ડ ઇન એન્ડ સ્યુટસના બોન્કવેટ હોલમાં મિલન સમારંભનું આયોજન કરવામાં આવશેઃ ભારતીય સમાજના આગેવાનો માટી સંખ્યામાં હાજરી આપશે
(કપિલા શાહ દ્વારા) શિકાગો : શિકાગો નજીક શામ્બર્ગ ટાઉનના મેયરના પદની ચૂંટણી થનાર હોવાથી તે પદના દાવેદાર તરીકે ફેડરેશન ઓફ ઇન્ડીયન એસોસીએશનના સ્થાપક અને પ્રમુખ સુનીલ શાહે ઉમેદવારી નોંધાવી છે અને તેથી આ ટાઉનમાં વસવાટ કરતા ભારતીય ભાઇ બહેનેામાં આનંદની લાગણીઓ પ્રસરેલી જોવા મળે છે.
મેયર પદના ઉમેદવાર સુનીલ શાહને આગામી યોજાનાર ચૂંટણીમાં જરૂરી ટેકો મળી રહે તથા આર્થીક સહાય પ્રાપ્ત થાય તે માટે તેમના મિત્રો તથા શુભેચ્છકો દ્વારા સપ્ટેમ્બર માસની ૩૦મી તારીખને રવિવારે શામ્બર્ગ ટાઉનમાં આવેલ ફેરફીલ્ડ ઇન એન્ડ સ્યુટસના બોન્કવેટ હોલમાં સાંજના છ વાગ્યા બાદ એક મિલન સમારંભનું આયોજન કરવામાં આવેલ છે અને તેમાં ભારતીય સમાજના આગેવાનો હાજરી આપશે તો સર્વેને પધારવા આગ્રહભરી વિનંતી છે.