ટ્રમ્પે મોદીને આપ્યા અભિનંદન

બન્ને નેતાઓ જૂનમાં જી-૨૦ દરમ્યાન મળશે

નવી દિલ્હી, તા. ૨૫ :. લોકસભાની ચૂંટણીમાં ભાજપના પ્રચંડ વિજય બાદ અમેરિકાના રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીને ફોન કરી અભિનંદન આપ્યા છે. ટ્રમ્પે ભારત સાથે આર્થિક અને રાજકીય સંબંધોને નવી ઉંચાઈએ લઈ જવાની આશા વ્યકત કરી છે. બન્ને નેતાઓ જૂનમાં યોજાનાર જી-૨૦ સમિટમાં મળી શકે છે.

જી-૨૦ સંમેલન ૨૮-૨૯ જૂને જાપાનના ઓસાકામાં યોજાનાર છે. વ્હાઈટ હાઉસના જણાવ્યા પ્રમાણે રાષ્ટ્રપતિ ટ્રમ્પે મોદી સાથેની વાતચીતમાં અમેરિકા અને ભારત વચ્ચે છેલ્લા બે વર્ષમાં પ્રાપ્ત ઉપલબ્ધીઓના આધારે બનેલી વ્યુહાત્મક ભાગીદારીને મજબુત કરવા પ્રતિબદ્ધતા વ્યકત કરી હતી.